QR Premer-Ministri Álihan Smaiylov bilik biznespen birlesip jumys isteýge daiyn ekenin jetkizdi, dep habarlaidy QazAqparat.
Úkimet basshysy Álihan Smaiylov elordada ótip jatqan «Atameken» ulttyq kásipkerler palatasynyń kezekten tys IH sezine qatysty.
«Memleket basshysy atap ótkendei, bilik pen biznestiń syndarly ózara is-qimyly áleýmettik turaqtylyqtyń negizin quraidy. Úkimet biznespen birlese jumys isteýge daiyn. Barshańyzdy Prezident belgilegen mindetterdi birge iske asyrýǵa shaqyramyn. Atameken palatasynyń sheńberinde jáne jaqynda qurylǵan Úkimet janyndaǵy otandyq kásipkerler keńesiniń jumysyna belsendi atsalysý kerek», - dedi Á. Smaiylov sezde.
Premer-Ministrdiń aitýynsha, otandyq biznesti damytýda Úkimet tarapynan qoldaý ádetinshe jalǵasady.
«Úkimet pen biznes-qoǵamdastyqtyń ortaq kúsh-jigeriniń arqasynda ǵana jetistikterge qol jetkizýge bolady. Barlyq qiyndyqtardy eńseremiz», - deidi ol.
