Qazaqstan Respýblikasynyń Premer-Ministri Asqar Mamin dańqty sportshy, Olimpiada chempiony, Qazaqstannyń Eńbek Eri Jaqsylyq Úshkempirovtiń qaitys bolýyna bailanysty týǵan-týystary men jaqyndaryna kóńil aitý jedelhatyn joldady, dep habarlaidy primeminister.kz.
«Grek-rim kúresi boiynsha qazaqtan shyqqan tuńǵysh Olimpiada chempiony, Qazaqstannyń Eńbek Eri, otandyq sporttyń jáne elimizdiń áleýmettik-ekonomikalyq damýyna ólsheýsiz úles qosqan kórnekti tulǵa Jaqsylyq Ámiráliuly Úshkempirovtiń mezgilsiz qaitys bolýyna bailanysty Sizderge orny tolmas aýyr qaiǵylaryńyzǵa ortaqtasyp kóńil aitamyn.
Aty ańyzǵa ainalǵan Jaqsylyq Ámiráliuly kásipqoi qazaq kúresin nyǵaitýmen birge, isker basshy, bilikti uiymdastyrýshy retinde bar sanaly ǵumyryn aýyl sharýashylyǵyn nyǵaitýǵa, kásipkerlik salasyn órkendetýge arnady. Jaqsylyq Ámiráliuly ózine tán adamgershilik qasietteri men qaiyrymdylyq isteri arqyly árdaiym halqynyń syi-qurmetine bólendi.
Asyl azamattyń jarqyn beinesi álemdik sport tarihyndaǵy óshpes ǵumyr joly men baǵyndyrǵan biikteri, el igiligi jolyndaǵy eren eńbegi arqyly óskeleń urpaqtyń júreginde máńgi saqtalyp qalary sózsiz. Marqumnyń topyraǵy torqa, jany jánnatta bolsyn!» delingen jedelhatta.
Eske sala keteiik, búgin Olimpiada chempiony, Qazaqstannyń Eńbek Eri Jaqsylyq Úshkempirov dúnieden ozdy.
