Premer-Ministr Baqytjan Saǵyntaev Ulttyq ekonomika vitse-ministrine sógis jariialady, dep habarlaidy QazAqparat.
«Ulttyq ekonomika ministrliginiń Monopoliiaǵa qarsy komitettiń onyń aýmaqtyq bólimsheleriniń jumysyn tártipke keltirýin qoldaimyn. Oǵan qosymsha málimet retinde meniń Ókimimen Ulttyq ekonomika vitse-ministri, iaǵni osy salanyń kýratory Serik Jumanǵaringe sógis jariialandy», - dedi B. Saǵyntaev Úkimet otyrysynda.
Budan buryn habarlanǵandai, jaqynda Aqordada Qaýipsizdik keńesiniń otyrysynda Memleket basshysy Nursultan Nazarbaev kommýnaldyq qyzmetterge tarifterdi zańsyz ósirgen tabiǵi monopoliialar sýbektilerin jazalaýdy talap etti.
Sonymen qatar Prezident Qazaqstanda elektr energiiasy qunyn tómendetýdi tapsyrdy.
Aita keteiik, Elbasy tarif salasynda oryn alǵan kemshilikterge bailanysty QR UEM Tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komitetiniń tóraǵasy Azamat Maitievke sógis jariialady
