پرەمەر-مينيستر باقىتجان ساعىنتاەۆ ۇلتتىق ەكونوميكا ۆيتسە-مينيسترٸنە سٶگٸس جارييالادى, دەپ حابارلايدى قازاقپارات.
«ۇلتتىق ەكونوميكا مينيسترلٸگٸنٸڭ مونوپوليياعا قارسى كوميتەتتٸڭ ونىڭ اۋماقتىق بٶلٸمشەلەرٸنٸڭ جۇمىسىن تەرتٸپكە كەلتٸرۋٸن قولدايمىن. وعان قوسىمشا مەلٸمەت رەتٸندە مەنٸڭ ٶكٸمٸمەن ۇلتتىق ەكونوميكا ۆيتسە-مينيسترٸ, ياعني وسى سالانىڭ كۋراتورى سەرٸك جۇمانعارينگە سٶگٸس جارييالاندى», - دەدٸ ب. ساعىنتاەۆ ٷكٸمەت وتىرىسىندا.
بۇدان بۇرىن حابارلانعانداي, جاقىندا اقوردادا قاۋٸپسٸزدٸك كەڭەسٸنٸڭ وتىرىسىندا مەملەكەت باسشىسى نۇرسۇلتان نازارباەۆ كوممۋنالدىق قىزمەتتەرگە تاريفتەردٸ زاڭسىز ٶسٸرگەن تابيعي مونوپولييالار سۋبەكتٸلەرٸن جازالاۋدى تالاپ ەتتٸ.
سونىمەن قاتار پرەزيدەنت قازاقستاندا ەلەكتر ەنەرگيياسى قۇنىن تٶمەندەتۋدٸ تاپسىردى.
ايتا كەتەيٸك, ەلباسى تاريف سالاسىندا ورىن العان كەمشٸلٸكتەرگە بايلانىستى قر ۇەم تابيعي مونوپولييالاردى رەتتەۋ, بەسەكەلەستٸكتٸ جەنە تۇتىنۋشىلاردىڭ قۇقىقتارىن قورعاۋ كوميتەتٸنٸڭ تٶراعاسى ازامات مايتيەۆكە سٶگٸس جارييالادى
