Búgin Ońtústik Qazaqstan oblysyna jumys sapary aiasynda QR Premer-Ministri Baqytjan Saǵyntaev Shymkent munai óńdeý zaýytynda bolyp, óndiristi jańǵyrtýdyń birinshi kezeńiniń nátijelerimen tanysty. Bul týraly PrimeMinister.kz saitynda habarlandy.
Baqytjan Saǵyntaev MÓZ-di aralaý barysynda zaýytty jańǵyrtýdyń birinshi kezeńiniń nátijelerimen tanysyp, kásiporynnyń shaǵyn izomerizatsiialaý tehnologiialyq protsesi (munaidyń tómengi oktandy fraktsiialarynan taýarlyq benzinniń joǵarǵy oktandy komponentterin alý) júretin ári K-4, K-5 (Eýro4, Eýro5) standarttaryna jaýap beretin benzin shyǵarylatyn óndiristik ǵimarattardyń birinde bolyp qaitty.
Shymkent MÓZ-di jańǵyrtý jumystary 2011 jyly Údemeli indýstrialdy-innovatsiialyq damý memlekettik baǵdarlamasy aiasynda bastaý aldy jáne ol 2 kezeńnen turady.
2017 jyldyń jazynda jańǵyrtýdyń I kezeńi aiaqtaldy. Kásiporynda shikizatty aldyn ala gidrotazalaý blogy bar, jeńil benzin fraktsiialaryn izomerizatsiialaý qondyrǵysy ornatyldy. Kúkirt shyǵarý qondyrǵysy paidalanýǵa berildi, dizeldik otyndy gidrotazalaý qondyrǵysy rekonstrýktsiialandy. Zaýyt kezeńdi aiaqtaǵan soń, K4 jáne K5 ekologiialyq tobynyń dizeldik otyny men joǵarǵy oktandy benzindi óndire alady.
Jańǵyrtýdyń ekinshi kezeńi 2018 jyly aiaqtalýy tiis.
Aita ketken jón, qazirgi tańda Shymkent MÓZ úsh qazaqstandyq MÓZ shyǵaratyn munai ónimderiniń jalpy kóleminiń 30%-yn óndiredi. Bul - Qazaqstannyń ońtústik óńirinde, respýblikanyń halyq tyǵyz ornalasqan bóliginde ornalasqan jalǵyz munai óńdeý zaýyty. Qolaily geografiialyq ornalasqan jeri men joǵary tehnologiialyq múmkindikterin eskersek, kásiporynnyń ishki jáne syrtqy naryqtarǵa ónim jetkizý múmkindigi mol.
Shymkent MÓZ qýattylyǵy 5,25 mln tonnany nemese jylyna shamamen 40,65 mln barrel munaidy quraidy. Zaýyttyń munai ónimderiniń suryptamasy benzinniń túrli suryptarynan (Ai-80, Ai-92, Ai-96), dizeldik otynnan, aviatsiialyq kerosinnen, tómendetilgen gazdan, vakýýmdyq gazoildan, mazýt pen kúkirtten turady.
Sonymen qatar, qazirgi tańda Úkimet Memleket basshysynyń Joldaýyna sáikes, ekonomikalyq ósimniń jańa modelin qalyptastyrý jolynda jumystar atqaryp jatyr. Munda jańa indýstriialardy qurýmen qatar, dástúrli bazalyq salalardyń, sonyń ishinde munai-gaz sektorynyń damýyna qarqyn berý kózdelgen. Úkimet búginde biznespen birlesip, bazalyq salalardy 2025 jylǵa deiin tehnologiialyq qaita jaraqtandyrý boiynsha keshendi sharalardy josparlaýmen ainalysýda.
