Jumys sapary aiasynda QR Premer-ministri Baqytjan Saǵyntaev Qazaqstandaǵy munai ónimderin óndiretin iri kásiporyndardyń biri - «Pavlodar munai-himiia zaýyty» JShS-in jańǵyrtý barysyn tekserdi, dep habarlaidy "Ult aqparat" primeminister.kz portalyna silteme jasap.
Pavlodar munai-himiia zaýytyn jańǵyrtý Indýstriialyq-innovatsiialyq damytý memlekettik baǵdarlamasy boiynsha júrgizilip jatyr jáne basqarý júiesin avtomattandyrýdan, energiia únemdeitin jáne ekologiialyq taza tehnologiialardy engizýden turady, bul shiki munaidy qaita óńdeý boiynsha ónimdilikti arttyrýǵa múmkindik beredi.
«Pavlodar munai-himiia zaýyty» JShS bas direktory Shýhrat Danbai jańǵyrtýdy aiaqtaǵannan keiin joǵary oktandy benzin óndirisi 297 myń tonnaǵa ulǵaiatynyn, sondai-aq halyqaralyq Jet A1 standartty aviaotyn óndirisi qamtamasyz etiletinin baiandady.
PMHZ jańǵyrtý jobasy boiynsha 12 tehnologiialyq qondyrǵy men 16 jalpy zaýyttyq sharýashylyq nysany salynyp jáne jóndelip jatyr. Jańǵyrtýdan keiin aqshyl munai ónimderi óndirisi jylyna 333 myń tonnaǵa artady.
Zaýytty jańǵyrtý aiasynda sondai-aq qoldanystaǵy qondyrǵylardy jóndeý júrgizilýde, bul aǵymdaǵy jyldyń sońynda K4, K5 standartty dizel otynyn jáne aviatsiialyq otyn óndirýdi bastaýǵa múmkindik beredi.
Jalpy, PMHZ jańǵyrtý tutynýshylardy sapaly munai ónimderimen qamtamasyz etýge jáne jańa tehnologiialar engizý, basqarýdy avtomattandyrýdy arttyrý esebinen qorshaǵan ortaǵa júktemeni azaitýǵa múmkindik beredi.
.jpeg)