QR Premer-Ministri Baqytjan Saǵyntaev Qyzylorda oblysynda mindetti áleýmettik meditsinalyq saqtandyrý (MÁMS) júiesin engizýge daiyndyq barysymen tanysty, - dep habarlaidy "Ult aqparat" primeminister.kz portalyna silteme jasap.
Oblystyq kópbeiindi balalar aýrýhanasynda oblystyq densaýlyq saqtaý basqarmasynyń basshysy Aqmaral Álnazarova Baqytjan Saǵyntaevqa MÁMS júiesin engizýge daiarlyq pen óńirdiń meditsinalyq mekemeleri men densaýlyq saqtaý salasyn damytý keleshegi týraly baiandady.
Oblysta halyq arasynda aqparattyq túsindirý jumystary júrgizilip, oblystyń barlyq turǵyndarynan MÁMS júiesine qatysýshylardyń statýsy anyqtaldy. Qazirgi tańda emhanalarǵa tirkeý naýqany júrgizilip jatyr.
Balalar aýrýhanasyn aralaý kezinde, Baqytjan Saǵyntaevty mekemeniń jabdyqtalýy men kepildendirilgen tegin meditsinalyq kómek kólemi aiasynda balalardy bilikti emdeý sharalary týraly aqparattandyrdy.
Aita keteiik, MÁMS júiesi memleket, jumys berýshi jáne azamattar arasyndaǵy yntymaqtastyq qaǵidalaryna negizdelgen.
Memleket halyqtyń áleýmettik osal toptaryna, jumys berýshiler – jaldamaly qyzmetkerlerine, al jumysshylar men ózin-ózi jumyspen qamtyǵan azamattar – ózderine jarna tóleitin bolady. Osylaisha, birlesken jaýapkershilik negizinde qarajattardy tiimdi bólý qaǵidasy iske asyrylady.
Júieniń árbir qatysýshysy ózine qajetti meditsinalyq jáne dári-dármek kómegin alatyn bolady, bul azamattardyń jarnasynyń somasyna bailanysty emes – mindetti meditsinalyq saqtandyrý paketi barlyǵyna birdei.
2017 jylǵy 1 shildeden bastap jumys berýshiler men jeke kásipkerler Áleýmettik meditsinalyq saqtandyrý qoryna aýdarymdar men jarnalardy tólei bastaidy, al 2018 jylǵy 1 qańtardan bastap – memleket pen belsendi emes halyq jáne 2019 jylǵy 1 qańtardan bastap – jaldamaly jumyskerler tóleitin bolady.
.jpeg)