QR Premer-Ministri Asqar Maminniń tóraǵalyǵymen ótken Úkimet otyrysynda eldi mekenderdi sýmen qamtý jáne sý burý máseleleri qaraldy, dep habarlaidy "Ult aqparat" primeminister.kz portalyna silteme jasap.
Jiynda QR indýstriia jáne infraqurylymdyq damý ministri R. Skliar, QR aýyl sharýashylyǵy ministri S. Omarov halyqty sapaly aýyz sýmen qamtamasyz etý jóninde baiandady, sondai-aq Almaty oblysynyń ákimi A. Batalovtyń, Qyzylorda oblysynyń ákimi Q. Kósherbaevtyń, Jambyl oblysynyń ákimi A. Myrzahmetovtyń, Qaraǵandy oblysynyń ákimi E. Qoshanovtyń baiandamalary tyńdaldy.
Sondai-aq, máseleni qaraý barysynda sýmen jabdyqtaý jáne sý tartý sektoryna belsendi túrde qatysatyn uiymdardyń ókilderi sóz sóiledi.
Shymkent qalasyndaǵy «Sý resýrstary – marketing» JShS jeke sý arnasynyń qadaǵalaýshy keńesiniń tóraǵasy A. Orman halyqaralyq qarjy uiymdary salǵan investitsiialardyń nátijesinde azamattarǵa usynylatyn qyzmetterdiń sapasy artqanyn aitty. 2010 jyldan bastap 2 MVT boiynsha kún jáne sý qýaty stantsiialary salynyp, paidalanýǵa berildi, 947 shaqyrym sýmen jabdyqtaý jelisi jáne 67 shaqyrym káriz jelisi rekonstrýktsiialandy. Tsifrlyq tehnologiialardy qoldaný arqyly aýyz sýdy óndirý jáne tasymaldaý tásilderi jańǵyrtyldy. Búginde tazartý nysandary avtomatty rejimde basqarylady.
«Salynǵan investitsiialar tutynýshylarǵa deiin sýdy úzdiksiz berýdi qamtamasyz etýge, sondai-aq, ekologiialyq jáne sanitarlyq talaptarǵa sáikes aǵyn sýlardy tolyqtai tazartýǵa jol ashty. Normativtik-tehnikalyq shyǵyndar 2,4 esege qysqardy. 1 m² sýdy óndirýge jumsalatyn elektr energiiasynyń shyǵyndary 12 esege qysqardy», — dedi A. Orman.
Óz kezeginde, Eýropa qaita qurý jáne damý banki ókildiginiń direktory Agris Preimanis TKSh sektory Qazaqstandaǵy EQQDB jumysynyń basym baǵyttarynyń biri ekenin atap ótti. Elimizdiń óńirlerinde iske asyrylyp jatqan sýmen jabdyqtaý jáne sý tartý sektoryna 30 mlrd-tan astam teńge investitsiialandy. Birlesip atqarǵan jumystyń nátijesinde aýyz sý sapasy jaqsartyldy, sý berý kólemi ulǵaityldy, shyǵyndar tómendetildi, jetkizilgen sýdy esepke alý paiyzy artty jáne t.b. A. Preimenistiń aitýynsha, osyǵan uqsas jumys sýmen jabdyqtaý, sý tartý, kárizdik tazartý nysandary salalarynda qyzmet kórsetetin basqa kompaniialarda júgizilýi múmkin.
Qorytyndylai kele, QR Úkimetiniń basshysy eldi mekenderdi sapaly aýyz sýmen qamtý jáne sýmen jabdyqtaý máselesiniń mańyzdylyǵyn atap ótti, atalǵan máseleni sheshý halyqtyń turmys sapasyn jaqsartýǵa tikelei áser etedi.
«Qabyldanyp jatqan sharalar 2023 jyly halyqty aýyz sýmen 100% qamtamasyz etý máselesin sheshýge jol ashady», — dedi QR Premer-Ministri Asqar Mamin.
Almaty jáne Qyzylorda oblystarynda aýyldardy aýyz sýmen qamtýdyń joǵary paiyzy belgilengen. Óz kezeginde, Jambyl, Qostanai jáne Pavlodar oblystarynyń ákimdikterine atalǵan baǵyttaǵy jumysty jandandyryp, aýyldardy sýmen turaqty túrde qamtamasyz etý sharalaryn kúsheitý tapsyryldy.
«Ákimdikter jumysynyń nátijeliginiń jańa kórsetkishin anyqtaý qajet – bul halyqtyń taza aýyz sýǵa qoljetimdiligin qamtamasyz etý», — dep A. Mamin, aýyldyq, toptyq sý taratqyshtardy jaqsartý maqsatynda osy fýnktsiialardy Aýyl sharýashylyǵy ministrligine ótkizý máselesin pysyqtaýdy tapsyrdy.
QR Premer-Ministri 2023 jyly qalalar men aýyldardy sýmen jabdyqtaýmen júz paiyz qamtamasyz etý maqsatynda óńirlik josparlarǵa túzetýler engizip, barlyq sýmen qamtý nysandaryn paidalanýǵa berý sharalaryn qabyldaýdy tapsyrdy.
Qalalarda kárizdik tazartý nysandaryn (KTN) salý jáne jańǵyrtý jumystaryn jedeldetýge jekelei kóńil bólindi. Bul baǵytta KTN jobalarynyń investitsiialyq tartymdylyǵyn arttyrý jumystary júrgizilip jatyr. Kóptegen halyqaralyq qarjy institýttary osyǵan uqsas jobalardy qarjylandyrýǵa qyzyǵýshylyq tanytyp jatyr. QR Premer-Ministri A. Mamin halyqaralyq tájiribeni eskere otyryp, memlekettik-jekemenshik áriptestik aiasynda qarjylandyrý tetikterin pysyqtaýdy tapsyrdy.
«Elbasynyń Qaýipsizdik keńesiniń otyrysynda azamattardyń turmys sapasyn, qolailylyǵyn jaqsartý, qala nemese aýyldyq jer ekenine qaramastan, halyqty sapaly aýyz sýmen qamtý jáne sýmen jabdyqtaý boiynsha alǵa qoiǵan mindetin oryndaý qajet», — dedi Asqar Mamin. — Prezident Qasym-Jomart Toqaevtyń óńirlerge jumys saparlary barysynda berilip jatqan, qalalar men aýyldardy sýmen qamtamasyz etý jónindegi tapsyrmalaryn oryndaý boiynsha aýqymdy jumystardy atqarýymyz kerek».
