قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا ەلدٸ مەكەندەردٸ سۋمەن قامتۋ جەنە سۋ بۇرۋ مەسەلەلەرٸ قارالدى, دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
جيىندا قر يندۋسترييا جەنە ينفراقۇرىلىمدىق دامۋ مينيسترٸ ر. سكليار, قر اۋىل شارۋاشىلىعى مينيسترٸ س. وماروۆ حالىقتى ساپالى اۋىز سۋمەن قامتاماسىز ەتۋ جٶنٸندە باياندادى, سونداي-اق الماتى وبلىسىنىڭ ەكٸمٸ ا. باتالوۆتىڭ, قىزىلوردا وبلىسىنىڭ ەكٸمٸ ق. كٶشەرباەۆتىڭ, جامبىل وبلىسىنىڭ ەكٸمٸ ا. مىرزاحمەتوۆتىڭ, قاراعاندى وبلىسىنىڭ ەكٸمٸ ە. قوشانوۆتىڭ باياندامالارى تىڭدالدى.
سونداي-اق, مەسەلەنٸ قاراۋ بارىسىندا سۋمەن جابدىقتاۋ جەنە سۋ تارتۋ سەكتورىنا بەلسەندٸ تٷردە قاتىساتىن ۇيىمداردىڭ ٶكٸلدەرٸ سٶز سٶيلەدٸ.
شىمكەنت قالاسىنداعى «سۋ رەسۋرستارى – ماركەتينگ» جشس جەكە سۋ ارناسىنىڭ قاداعالاۋشى كەڭەسٸنٸڭ تٶراعاسى ا. ورمان حالىقارالىق قارجى ۇيىمدارى سالعان ينۆەستيتسييالاردىڭ نەتيجەسٸندە ازاماتتارعا ۇسىنىلاتىن قىزمەتتەردٸڭ ساپاسى ارتقانىن ايتتى. 2010 جىلدان باستاپ 2 مۆت بويىنشا كٷن جەنە سۋ قۋاتى ستانتسييالارى سالىنىپ, پايدالانۋعا بەرٸلدٸ, 947 شاقىرىم سۋمەن جابدىقتاۋ جەلٸسٸ جەنە 67 شاقىرىم كەرٸز جەلٸسٸ رەكونسترۋكتسييالاندى. تسيفرلىق تەحنولوگييالاردى قولدانۋ ارقىلى اۋىز سۋدى ٶندٸرۋ جەنە تاسىمالداۋ تەسٸلدەرٸ جاڭعىرتىلدى. بٷگٸندە تازارتۋ نىساندارى اۆتوماتتى رەجيمدە باسقارىلادى.
«سالىنعان ينۆەستيتسييالار تۇتىنۋشىلارعا دەيٸن سۋدى ٷزدٸكسٸز بەرۋدٸ قامتاماسىز ەتۋگە, سونداي-اق, ەكولوگييالىق جەنە سانيتارلىق تالاپتارعا سەيكەس اعىن سۋلاردى تولىقتاي تازارتۋعا جول اشتى. نورماتيۆتٸك-تەحنيكالىق شىعىندار 2,4 ەسەگە قىسقاردى. 1 م² سۋدى ٶندٸرۋگە جۇمسالاتىن ەلەكتر ەنەرگيياسىنىڭ شىعىندارى 12 ەسەگە قىسقاردى», — دەدٸ ا. ورمان.
ٶز كەزەگٸندە, ەۋروپا قايتا قۇرۋ جەنە دامۋ بانكٸ ٶكٸلدٸگٸنٸڭ ديرەكتورى اگريس پرەيمانيس تكش سەكتورى قازاقستانداعى ەققدب جۇمىسىنىڭ باسىم باعىتتارىنىڭ بٸرٸ ەكەنٸن اتاپ ٶتتٸ. ەلٸمٸزدٸڭ ٶڭٸرلەرٸندە ٸسكە اسىرىلىپ جاتقان سۋمەن جابدىقتاۋ جەنە سۋ تارتۋ سەكتورىنا 30 ملرد-تان استام تەڭگە ينۆەستيتسييالاندى. بٸرلەسٸپ اتقارعان جۇمىستىڭ نەتيجەسٸندە اۋىز سۋ ساپاسى جاقسارتىلدى, سۋ بەرۋ كٶلەمٸ ۇلعايتىلدى, شىعىندار تٶمەندەتٸلدٸ, جەتكٸزٸلگەن سۋدى ەسەپكە الۋ پايىزى ارتتى جەنە ت.ب. ا. پرەيمەنيستٸڭ ايتۋىنشا, وسىعان ۇقساس جۇمىس سۋمەن جابدىقتاۋ, سۋ تارتۋ, كەرٸزدٸك تازارتۋ نىساندارى سالالارىندا قىزمەت كٶرسەتەتٸن باسقا كومپانييالاردا جٷگٸزٸلۋٸ مٷمكٸن.
قورىتىندىلاي كەلە, قر ٷكٸمەتٸنٸڭ باسشىسى ەلدٸ مەكەندەردٸ ساپالى اۋىز سۋمەن قامتۋ جەنە سۋمەن جابدىقتاۋ مەسەلەسٸنٸڭ ماڭىزدىلىعىن اتاپ ٶتتٸ, اتالعان مەسەلەنٸ شەشۋ حالىقتىڭ تۇرمىس ساپاسىن جاقسارتۋعا تٸكەلەي ەسەر ەتەدٸ.
«قابىلدانىپ جاتقان شارالار 2023 جىلى حالىقتى اۋىز سۋمەن 100% قامتاماسىز ەتۋ مەسەلەسٸن شەشۋگە جول اشادى», — دەدٸ قر پرەمەر-مينيسترٸ اسقار مامين.
الماتى جەنە قىزىلوردا وبلىستارىندا اۋىلداردى اۋىز سۋمەن قامتۋدىڭ جوعارى پايىزى بەلگٸلەنگەن. ٶز كەزەگٸندە, جامبىل, قوستاناي جەنە پاۆلودار وبلىستارىنىڭ ەكٸمدٸكتەرٸنە اتالعان باعىتتاعى جۇمىستى جانداندىرىپ, اۋىلداردى سۋمەن تۇراقتى تٷردە قامتاماسىز ەتۋ شارالارىن كٷشەيتۋ تاپسىرىلدى.
«ەكٸمدٸكتەر جۇمىسىنىڭ نەتيجەلٸگٸنٸڭ جاڭا كٶرسەتكٸشٸن انىقتاۋ قاجەت – بۇل حالىقتىڭ تازا اۋىز سۋعا قولجەتٸمدٸلٸگٸن قامتاماسىز ەتۋ», — دەپ ا. مامين, اۋىلدىق, توپتىق سۋ تاراتقىشتاردى جاقسارتۋ ماقساتىندا وسى فۋنكتسييالاردى اۋىل شارۋاشىلىعى مينيسترلٸگٸنە ٶتكٸزۋ مەسەلەسٸن پىسىقتاۋدى تاپسىردى.
قر پرەمەر-مينيسترٸ 2023 جىلى قالالار مەن اۋىلداردى سۋمەن جابدىقتاۋمەن جٷز پايىز قامتاماسىز ەتۋ ماقساتىندا ٶڭٸرلٸك جوسپارلارعا تٷزەتۋلەر ەنگٸزٸپ, بارلىق سۋمەن قامتۋ نىساندارىن پايدالانۋعا بەرۋ شارالارىن قابىلداۋدى تاپسىردى.
قالالاردا كەرٸزدٸك تازارتۋ نىساندارىن (كتن) سالۋ جەنە جاڭعىرتۋ جۇمىستارىن جەدەلدەتۋگە جەكەلەي كٶڭٸل بٶلٸندٸ. بۇل باعىتتا كتن جوبالارىنىڭ ينۆەستيتسييالىق تارتىمدىلىعىن ارتتىرۋ جۇمىستارى جٷرگٸزٸلٸپ جاتىر. كٶپتەگەن حالىقارالىق قارجى ينستيتۋتتارى وسىعان ۇقساس جوبالاردى قارجىلاندىرۋعا قىزىعۋشىلىق تانىتىپ جاتىر. قر پرەمەر-مينيسترٸ ا. مامين حالىقارالىق تەجٸريبەنٸ ەسكەرە وتىرىپ, مەملەكەتتٸك-جەكەمەنشٸك ەرٸپتەستٸك اياسىندا قارجىلاندىرۋ تەتٸكتەرٸن پىسىقتاۋدى تاپسىردى.
«ەلباسىنىڭ قاۋٸپسٸزدٸك كەڭەسٸنٸڭ وتىرىسىندا ازاماتتاردىڭ تۇرمىس ساپاسىن, قولايلىلىعىن جاقسارتۋ, قالا نەمەسە اۋىلدىق جەر ەكەنٸنە قاراماستان, حالىقتى ساپالى اۋىز سۋمەن قامتۋ جەنە سۋمەن جابدىقتاۋ بويىنشا العا قويعان مٸندەتٸن ورىنداۋ قاجەت», — دەدٸ اسقار مامين. — پرەزيدەنت قاسىم-جومارت توقاەۆتىڭ ٶڭٸرلەرگە جۇمىس ساپارلارى بارىسىندا بەرٸلٸپ جاتقان, قالالار مەن اۋىلداردى سۋمەن قامتاماسىز ەتۋ جٶنٸندەگٸ تاپسىرمالارىن ورىنداۋ بويىنشا اۋقىمدى جۇمىستاردى اتقارۋىمىز كەرەك».
