QR Premer-Ministri Asqar Mamin eldegi epidemiologiialyq jaǵdai men koronavirýs infektsiiasyna qarsy kúres sharalary týraly Úkimet otyrysyn ótkizdi, dep habarlaidy "Ult aqparat".
«Karantindik sharalardyń merzimi 2 tamyzda aiaqtalady. Jalpy, osy kezeńde epidemiologiialyq jaǵdai turaqtandy, meditsina uiymdarynyń júktemesi birshama azaidy. Jazylyp ketkenderdiń sany 63 paiyzdan asty. Virýs juqtyrýdyń táýliktik ósimi 4 paiyzdan 1,7 paiyzǵa deiin azaidy», - dedi Premer-Ministr Úkimettiń búgingi otyrysynda.
Aýrýhanalardaǵy tósek-oryn júktemesi 46 paiyzǵa deiin tómendedi. Ai qorytyndysy boiynsha jedel járdemdi shaqyrý kórsetkishi 38 paiyzǵa túsken.
«Barlyq óńirler dári-dármektiń jetkilikti qorymen qamtamasyz etilgen. Osyǵan orai, epidemiologiialyq jaǵdaidy odan ári jaqsartýymyz qajet. Búgin Densaýlyq saqtaý ministrligi Karantindik sharalardy birtindep alý josparyn usynyp otyr. Qazirgi jaǵdai men osy aidyń qorytyndysyn eskere otyryp, Memlekettik komissiianyń otyrysynda bul Jospar qarastyrylyp, tiisti sheshim qabyldanady», - dedi Asqar Mamin.
