قر پرەمەر-مينيسترٸ اسقار مامين ەلدەگٸ ەپيدەميولوگييالىق جاعداي مەن كوروناۆيرۋس ينفەكتسيياسىنا قارسى كٷرەس شارالارى تۋرالى ٷكٸمەت وتىرىسىن ٶتكٸزدٸ, دەپ حابارلايدى "ۇلت اقپارات".
«كارانتيندٸك شارالاردىڭ مەرزٸمٸ 2 تامىزدا اياقتالادى. جالپى, وسى كەزەڭدە ەپيدەميولوگييالىق جاعداي تۇراقتاندى, مەديتسينا ۇيىمدارىنىڭ جٷكتەمەسٸ بٸرشاما ازايدى. جازىلىپ كەتكەندەردٸڭ سانى 63 پايىزدان استى. ۆيرۋس جۇقتىرۋدىڭ تەۋلٸكتٸك ٶسٸمٸ 4 پايىزدان 1,7 پايىزعا دەيٸن ازايدى», - دەدٸ پرەمەر-مينيستر ٷكٸمەتتٸڭ بٷگٸنگٸ وتىرىسىندا.
اۋرۋحانالارداعى تٶسەك-ورىن جٷكتەمەسٸ 46 پايىزعا دەيٸن تٶمەندەدٸ. اي قورىتىندىسى بويىنشا جەدەل جەردەمدٸ شاقىرۋ كٶرسەتكٸشٸ 38 پايىزعا تٷسكەن.
«بارلىق ٶڭٸرلەر دەرٸ-دەرمەكتٸڭ جەتكٸلٸكتٸ قورىمەن قامتاماسىز ەتٸلگەن. وسىعان وراي, ەپيدەميولوگييالىق جاعدايدى ودان ەرٸ جاقسارتۋىمىز قاجەت. بٷگٸن دەنساۋلىق ساقتاۋ مينيسترلٸگٸ كارانتيندٸك شارالاردى بٸرتٸندەپ الۋ جوسپارىن ۇسىنىپ وتىر. قازٸرگٸ جاعداي مەن وسى ايدىڭ قورىتىندىسىن ەسكەرە وتىرىپ, مەملەكەتتٸك كوميسسييانىڭ وتىرىسىندا بۇل جوسپار قاراستىرىلىپ, تيٸستٸ شەشٸم قابىلدانادى», - دەدٸ اسقار مامين.
