Metallýrgiialyq kremnii shyǵaratyn «Tau-Ken Temir» JShS zaýytynda QR Premer-Ministri Baqytjan Saǵyntaev tehnologiialyq jańǵyrtý boiynsha qoldanylyp jatqan sharalarmen jáne kásiporyndy damytý perspektivalarymen tanysty, dep habarlaidy "Ult aqparat" primeminister.kz portalyna silteme jasap.
Baqytjan Saǵyntaev kremnii eritindilerin shyǵarý, tazartý jáne quiý júzege asyrylatyn óndiristik tsehtardy aralap shyqty, sondai-aq kremniidi aralyq saqtaý qoimasyna bardy.
«Tau-Ken Temir» JShS basqarma tóraǵasy Murat Júkenov QR Premer-Ministri Baqytjan Saǵyntaevqa tehnologiialyq úderisterdiń erekshelikteri týraly, sondai-aq kásiporyndy damytý boiynsha aǵymdaǵy jetistikter men josparlar týraly baiandady.
2018-2019 jyldary 1,5 mlrd teńge somaǵa investitsiialyq baǵdarlamany iske asyrý josparlanǵan, ol shiki qurama materialdar qoimasyn salýdy, parkti jańartýdy jáne tehnologiialyq jabdyqtardy jańǵyrtýdy kózdeidi.
Kásiporyndy damytý josparlary QR Prezidenti Nursultan Nazarbaevtyń «Qazaqstannyń úshinshi jańǵyrýy: jahandyq básekege qabilettilik» Joldaýyn oryndaý aiasynda ónerkásiptik kásiporyndardy tehnologiialyq jańǵyrtý boiynsha Qazaqstanda júrgizilip jatqan jumystarǵa sáikes keledi.
.jpeg)