Búgin Pavlodar oblysyna jumys sapary aiasynda QR Premer-ministri Baqytjan Saǵyntaev QR indýstriialyq-innovatsiialyq damytýdyń 2015-2019 jyldarǵa arnalǵan memlekettik baǵdarlamasy aiasynda Bozshakól taý-ken baiytý kombinatyn aralady, dep habarlaidy "Ult aqparat" primeminister.kz portalyna silteme jasap.
Baqytjan Saǵyntaev kásiporyndy jobalyq qýattylyǵyna shyǵarý boiynsha jumys kestesimen tanysty. «Kaz Minerals PLC» basqarma tóraǵasy O.Novachýk 2017 jyly jobalyq qýattylyǵyna shyqqannan keiin Bozshakól TBK-da jyl saiyn katodty ekvivalentte 100 myń tonna mys óndiriletinin baiandady.
Jobany iske asyrý aiasynda 1500 jumys orny quryldy. Josparlanǵan jumys oryndarynyń kólemi bolǵan jaǵdaida ónimdilik Qazaqstanda jumys istep turǵan mys óndiretin kásiporyndarǵa qaraǵanda 15 ese joǵary. Óndiriste ozyq jabdyqtar men tehnologiialar paidalanyldy, bul saladaǵy halyqaralyq standarttarǵa sáikes avtomattandyrý men tsifrlandyrýdyń joǵary deńgeiine jetýge múmkindik berdi.
Jobany keńeitý Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýyndaǵy tehnologiialyq jańǵyrtý, jańa tehnologiialar transferi jáne básekege qabilettiliktiń ósýi arqyly eńbek ónimdiligin arttyrý boiynsha mindetterine sai keledi.
Pavlodar oblysy Tórt-Qudyq aýylyna jaqyn jerde ornalasqan Bozshakól mys ken orny – álemdegi igerilmegen iri ken oryndarynyń biri. Kenishtiń qurylysy 2012 jyly bastaldy. 2015 jylǵy 11 jeltoqsanda Bozshakólde iske qosý men jóndeý jumystary bastaldy. 2016 jylǵy aqpanda birinshi mys kontsentraty óndirildi.
.jpeg)