Premer-ministr Asqar Mamin ekinshi deńgeili bankterdi otandyq taýar óndirisin damytý jumysynda qoldaýǵa shaqyrdy, dep habarlaidy "Ult aqparat".
«Qazirdiń ózinde jańa óndiris oshaqtaryn qurý boiynsha 27 offteik kelisim maquldandy. Ol boiynsha investitsiia kólemi shamamen 915 mlrd teńgeni quraidy. 2 myń jańa jumys oryny qurylady. Óz kezeginde Úkimet Ulttyq bankpen birlese otyryp, mundai kelisimderdi berik kepildik retinde taný boiynsha jumys júrgizip jatyr. Bul baǵyttaǵy qadam atalǵan jobalardy qarjylandyrýda qoljetimdilikti jeńildete túsedi. Osyǵan bailanysty qor 3 350 taýar pozitsiiasyn aiqyndady. Bul taýarlar tizimi – importty almastyrý boiynsha biznestiń jańa tolqynyn týǵyzý kerek. Osy baǵyttaǵy investitsiialyq jobalardy júzege asyrýǵa qazir 180 kásiporyn qyzyǵýshylyq tanytyp otyr», - dedi Asqar Mamin elordada ótip jatqan «Samruk Business Forum» sharasynda.
Úkimet basshysy dese de bul iske óte jiti zertteý kerektigin eskertti.
«Biznes jańa jumys oryndaryn quryp, sapaly ónimderdi shyǵarý boiynsha óz mindettemelerin qabyldaýy kerek. Otandyq taýarlar óndirisin damytý úshin ekinshi deńgeili bankterdi irikteý jáne qarjylandyrý jumysyna belsendi túrde atsalysýǵa shaqyramyn», - dedi ol.
