Almaty qalasyna jumys sapary aiasynda QR Premer-Ministri Baqytjan Saǵyntaev «Almaty bas jospary» ǵylymi-zertteý institýtynda bolyp, ońtústik astanany odan ári damytý josparymen tanysty, dep habarlaidy "Ult aqparat".
Biylǵy qarasha aiynda qoldanysqa berilgen institýttyń jańa ǵimaratyn qaraǵan Premer-Ministr sitýatsiialyq ortalyqtyń jumysymen tanysty. Niý-Iork, Singapýr, London úlgisimen qalany tiimdi basqarý úshin Big Data úlken aqparat platformasy quryldy. Basqasha aitqanda, bul Almaty qalasyn basqarýdyń bolashaq oilaý ortalyǵy. Sitýatsiialyq ortalyqta 10 qalalyq jáne respýblikalyq júie biriktirilgen. 2 jyl ishinde 27 júie men derekter bazasyn biriktirý josparlanyp otyr. Júiede qalanyń avtotrafigi jónindegi derekter, qoǵamdyq kóliktiń jolaýshylar aǵynynyń kúndelikti kólemi, mektepter men balabaqshalardyń júktemesi týraly málimetter bar. Qylmys jaǵdaiyn taldaý, biýdjettiń oryndalýyn baqylaý boiynsha saraptama júrgizilip jatyr.
Qala ákimi B. Baibek naqty ýaqyt rejiminde 1000-nan asa damý indikatory boiynsha taldaý júrgizilip jatqanyn habarlady. Big Data taldaýy negizinde ártúrli qalalyq kórsetkishterdiń uzaq merzimdi boljam modeli qurylýda: Almaty ekonomikasynyń tiimdiligi, halyqtyń sany men quramy, áleýmettik-ekonomikalyq damýǵa janama faktorlarynyń áseri. Basqarýdyń naqty sheshimderinde kórinis tabatyn megapolisti basqarýdyń túrli modelderi ázirlenip jatyr.
Budan basqa, Almaty qalasynyń tsifrly 3D-golografiialyq maketi men túrli máselelerdi sheshýde halyqqa qyzmet kórsetý úshin qurylǵan «Open Almaty» qoǵamdyq qabyldaýynyń jumysy tanystyryldy. Qoǵamdyq qabyldaý keńsesinde barlyq aýdan ákimdikteri, turǵyn úi basqarý, jumyspen qamtý jáne áleýmettik qorǵaý, jolaýshylar kóligi, tabiǵi resýrstar jáne sáýlet, qalalyq prokýratýra, politsiia, memlekettik kiris bólimi, TJD, HQKO, Kásipkerlerdiń ulttyq palatasy ókilderi men mediatorlar qyzmet kórsetedi.
Institýt aýmaǵynda Prezidenttiń «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Joldaýynyń aiasynda júzege asqan draiver-jobalardyń tanystyrylymy ótti. 2018 jyldyń basynan beri jobalyq qaǵidamen «Almaty damýynyń 50 draiveri» bastamasy júzege asty. Maqsat — ekonomikany ári qarai ósirip, qalanyń bet-beinesin túbegeili ózgertý.
Almaty q. ákiminiń orynbasary S. Mákejanovtyń aitýynsha, búgingi tańda 124 mlrd teńgege 50-den 18 joba iske asyrylǵan. Jobalardyń kóbisi áleýmettik salada — 30%, kólik salasynda — 25%, energetika jáne abattandyrý salalarynda 10%-dan júzege asyrylýda. Buǵan qosa, qalada «Tsifrlyq Qazaqstan» jobasy belsendi túrde iske asyrylyp jatyr. Almatyda onlain saýda, avtomattandyrylǵan logistika, baǵdarlamalyq qamsyzdandyrý, blokchein tehnologiialar salasynda jumys isteitin 40 kompaniiadan turatyn tehnologiialyq hab qurylǵan. Qazirgi tańda AT-ónimder óndirisindegi qalanyń úlesi 50% quraidy. Smartcity aiasynda qaýipsizdik, jelilik belsendilikke monitoring júrgizý, qoǵamdyq kólik, bilim berý jáne densaýlyq saqtaý salalarynda júielik tsifrlyq jobalar iske asyrylyp jatyr.
