Foto: pixabay.com
Qazaqstan Úkimeti bankterge elden qolma-qol resei rýblin áketýge ruqsat berdi, ministrler kabinetiniń tiisti qaýlysy normativtik aktilerdiń aqparattyq-quqyqtyq júiesinde jariialandy, dep habarlaidy Sputnik Qazaqstan.
"Qazaqstan Respýblikasynyń ekinshi deńgeili bankterine Qazaqstan Respýblikasynan qolma-qol Resei rýblin áketýge ruqsat etilsin. Osy qaýly qol qoiylǵan kúninen bastap qoldanysqa engiziledi jáne 2024 jylǵy 1 qańtarǵa deiin qoldanylady", - dep jazylǵan 11 shildede qabyldanǵan qujatta.
Memleket basshysynyń 2022 jylǵy 14 naýryzdaǵy "Qazaqstan Respýblikasynyń qarjylyq turaqtylyǵyn qamtamasyz etý sharalary týraly" jarlyǵymen elden 10 000 dollardan asatyn qolma-qol shetel valiýtasyn áketýge tyiym salynǵan bolatyn.
Keiinirek retteýshi qoldanystaǵy tyiymǵa bailanysty respýblika bankterinde ishki valiýta naryǵynda suranystan asyp túsetin kólemde qolma-qol rýbl jinaqtalǵanyn habarlady. Osyǵan bailanysty Úkimet birneshe ret reseilik valiýtany áketýge bir rettik ruqsat berdi.
