Foto: ©️ Tengrinews.kz / Turar Qazanǵapov
Ónerkásip jáne qurylys ministri Qanat Sharlapaev Úkimet "ArselorMittal Temirtaý" jańa investoryna qandai talaptar qoiatynyn túsindirdi, - dep habarlaidy Tengrinews.kz saity.
Otyrys barysynda Senat tóraǵasy Máýlen Áshimbaev "ArselorMittal Temirtaý" kompaniiasynyń jańa investoryna qoiylatyn talaptar týraly surady.
"Jańa investorlarǵa qoiylatyn talaptarǵa qatysty, qandai investitsiia bolady, jańa investordyń aldyna qandai da bir kriterii, talap-mindetter qoiasyz ba?" - dep surady Áshimbaev.
Suraqtarǵa jaýap bere otyryp, Qanat Sharlapaev AMT qazir "qaýipsizdikke investitsiia salýǵa" óte muqtaj ekenin rastady.
"Búginde AMT 3,2 million tonna bolat óndiredi, 4,5-4,8 million tonna bolatty jetkizý múmkindigi bar. Bul jaǵdaida, birinshisi – ónerkásiptik qaýipsizdikke investitsiia salýdy talap etemiz, al ekinshisi - óndiristi keńeitý jáne qýattylyqty burynǵy jyldary jumys istegen deńgeige deiin arttyrý boiynsha mindetteme alamyz. Al qazir mundai investitsiia kólemin orta merzimdi perspektivada 3 milliard dollarǵa jýyq dep esepteimiz. Birinshi kezekte óndiristi ulǵaitý jáne ónerkásiptik qaýipsizdikti jaqsartý úshin milliard dollarǵa jýyq qarajat qajet", - dep túsindirdi Sharlapaev.
