Ulttyq qordan aldaǵy 3 jylda respýblikalyq biýdjetke alynatyn transferttiń kólemin aiqyndaityn zań jobasy ashyq talqylaýǵa shyǵaryldy.
«Qazaqstan Respýblikasynyń Ulttyq qorynan 2025-2027 jyldarǵa arnalǵan respýblikalyq biýdjetke kepildendirilgen transferttiń mynadai mólsherleri bekitilsin:
2025 jyl – 2 000 000 000 myń teńge;
2026 jyl – 2 000 000 000 myń teńge;
2027 jyl – 2 000 000 000 myń teńge», - dep jazylǵan qujatta.
Zań jobasynda transferttiń bul mólsheri aldaǵy úsh jyldaǵy munaidyń halyqaralyq naryqtaǵy boljamdy baǵasyna sáikes eseptelgeni aitylǵan.
«Ulttyq qorǵa munai sektory uiymdarynan túsetin túsimder boiynsha munaidyń 2025-2027 jyldarǵa arnalǵan kesimdi baǵasynyń mynadai mólsherleri belgilensin:
2025 jyl – bir barrel úshin 42,3 AQSh dollary;
2026 jyl – bir barrel úshin 41,0 AQSh dollary;
2027 jyl – bir barrel úshin 39,4 AQSh dollary», - delingen zań jobasynda.
Qujat 16 shildege deiin ashyq talqylaýda bolyp, keiin Májiliske joldanady. Premer-ministr Oljas Bektenovtiń osy qujat týraly Májiliske daiyndaǵan túsindirme jazbasynda Ulttyq qordan aldaǵy 3 jylda alynatyn transfertter munai sektory uiymdarynan Ulttyq qorǵa boljanatyn túsimderdiń kóleminen aspaityny aitylǵan.
«Kesimdi baǵa kezinde munai sektory uiymdarynan Qazaqstan Respýblikasynyń Ulttyq qoryna túsetin túsimder 2025 jyly 2 277,0 mlrd teńge, 2026 jyly 2 276,8 mlrd teńge, 2027 jyly 2 277,0 mlrd teńge mólsherinde boljanady», - dep jazady O.Bektenov.
