ۇلتتىق قوردان الداعى 3 جىلدا رەسپۋبليكالىق بيۋدجەتكە الىناتىن ترانسفەرتتٸڭ كٶلەمٸن ايقىندايتىن زاڭ جوباسى اشىق تالقىلاۋعا شىعارىلدى.
«قازاقستان رەسپۋبليكاسىنىڭ ۇلتتىق قورىنان 2025-2027 جىلدارعا ارنالعان رەسپۋبليكالىق بيۋدجەتكە كەپٸلدەندٸرٸلگەن ترانسفەرتتٸڭ مىناداي مٶلشەرلەرٸ بەكٸتٸلسٸن:
2025 جىل – 2 000 000 000 مىڭ تەڭگە;
2026 جىل – 2 000 000 000 مىڭ تەڭگە;
2027 جىل – 2 000 000 000 مىڭ تەڭگە», - دەپ جازىلعان قۇجاتتا.
زاڭ جوباسىندا ترانسفەرتتٸڭ بۇل مٶلشەرٸ الداعى ٷش جىلداعى مۇنايدىڭ حالىقارالىق نارىقتاعى بولجامدى باعاسىنا سەيكەس ەسەپتەلگەنٸ ايتىلعان.
«ۇلتتىق قورعا مۇناي سەكتورى ۇيىمدارىنان تٷسەتٸن تٷسٸمدەر بويىنشا مۇنايدىڭ 2025-2027 جىلدارعا ارنالعان كەسٸمدٸ باعاسىنىڭ مىناداي مٶلشەرلەرٸ بەلگٸلەنسٸن:
2025 جىل – بٸر باررەل ٷشٸن 42,3 اقش دوللارى;
2026 جىل – بٸر باررەل ٷشٸن 41,0 اقش دوللارى;
2027 جىل – بٸر باررەل ٷشٸن 39,4 اقش دوللارى», - دەلٸنگەن زاڭ جوباسىندا.
قۇجات 16 شٸلدەگە دەيٸن اشىق تالقىلاۋدا بولىپ, كەيٸن مەجٸلٸسكە جولدانادى. پرەمەر-مينيستر ولجاس بەكتەنوۆتٸڭ وسى قۇجات تۋرالى مەجٸلٸسكە دايىنداعان تٷسٸندٸرمە جازباسىندا ۇلتتىق قوردان الداعى 3 جىلدا الىناتىن ترانسفەرتتەر مۇناي سەكتورى ۇيىمدارىنان ۇلتتىق قورعا بولجاناتىن تٷسٸمدەردٸڭ كٶلەمٸنەن اسپايتىنى ايتىلعان.
«كەسٸمدٸ باعا كەزٸندە مۇناي سەكتورى ۇيىمدارىنان قازاقستان رەسپۋبليكاسىنىڭ ۇلتتىق قورىنا تٷسەتٸن تٷسٸمدەر 2025 جىلى 2 277,0 ملرد تەڭگە, 2026 جىلى 2 276,8 ملرد تەڭگە, 2027 جىلى 2 277,0 ملرد تەڭگە مٶلشەرٸندە بولجانادى», - دەپ جازادى و.بەكتەنوۆ.
