تانىمال اكتەر ەرٸ ەنشٸ ولجاس اباي مارقۇم ەكەسٸن ەسكە الىپ, بالا كٷنٸندە باستان ٶتكەرگەن قيىندىقتارى تۋرالى سىر شەرتتٸ. ٶنەر يەسٸ ەكەسٸ جايلى ەڭگٸمە قوزعاعاندا تولقىپ, كٶز جاسىنا ەرٸك بەردٸ, دەپ حابارلايدى ult.kz.
ولجاس اباي بۇل تۋرالى جۋرناليست اينۇر اسانبەردٸگە بەرگەن سۇحباتىندا ايتتى. جٷرگٸزۋشٸ اكتەردەن "سوڭىرا" فيلمٸندەگٸ كەيٸپكەرٸنٸڭ تاعدىرى ٶز ٶمٸرٸمەن قانشالىقتى ۇقساس ەكەنٸن سۇرادى. سونداي-اق ەكەسٸنٸڭ ٸشٸمدٸك ٸشكەن كەزدەرٸندە قانداي كٷي كەشكەنٸن بٸلگٸسٸ كەلدٸ.
اكتەر بۇل ساۋالعا جاۋاپ بەرۋ ٶزٸنە ەلٸ دە اۋىر ەكەنٸن جاسىرمادى. ونىڭ ايتۋىنشا, ەكەسٸ مەيٸرٸمدٸ, بالاسىن ەرەكشە جاقسى كٶرەتٸن جان بولعان. الايدا ٸشٸمدٸككە ەۋەستٸگٸ وتباسىنا قيىندىق ەكەلگەن.
"قازٸردٸڭ ٶزٸندە ەسكە تٷسٸرۋ وڭاي بولىپ تۇرعان جوق. ەكەم جاقسى ادام ەدٸ. جان دٷنيەسٸ ەرەكشە, ەردايىم ينفورماتسييا الىپ جٷرەتٸن. مەنٸ قاتتى ەركەلەتەتٸن. بەس جىلداي بولىپ قالدى دٷنيەدەن ٶتكەنٸنە. بٸراق ەندٸ ۇرتتايدى ەكەن دەپ, تۋىسقانداردىڭ بەرٸ مىناۋ ەكەسٸنٸڭ ٸشەتٸنٸن بٷكٸل ەلەمگە جار سالىپ وتىر دەمەسٸن. بۇنى ايتۋ وڭاي ەمەس, دەگەنمەن شىندىق قوي. قالاي جاسىراسىڭ ونى", – دەدٸ اكتەر.
ولجاس اباي بالا كەزٸندە ەكەسٸنٸڭ ٸشٸمدٸك ٸشكەنٸنە قاتتى قينالعانىن, تٸپتٸ ٶزگە بالالاردىڭ ەكەلەرٸنە قىزىعا قاراعان سەتتەرٸ بولعانىن ايتتى. ٶنەر يەسٸ ٶتكەن كٷندەردٸ ەسكە العاندا كٶڭٸلٸ بوساپ, ەكەسٸ تۋرالى ەستەلٸكتەرٸن بٶلٸستٸ.
"جٷرەگٸڭ اۋىراتىن شاقتار كٶپ بولدى. باسقا ەكەلەرگە قاراپ قىزىعاتىن كەزدەر دە بولدى. وڭاي ەمەس, قيىن كەزدەر بولدى. قازٸر ەسكە تٷسٸرٸپ جىلايىن دەسەڭ دە, ەسەيٸپ كەتتٸك پە ەكەن. بٸراق قازٸر تەك جاقسىلىعىن ايتىپ, ەسكە الامىز عوي ەكەمٸزدٸ", – دەدٸ ول.
اكتەردٸڭ سٶزٸنشە, ەكەسٸنٸڭ ٶمٸردەن ٶتكەنٸنە شامامەن بەس جىل بولعان. ۋاقىت ٶتسە دە, بالالىق شاقتاعى كەيبٸر ەستەلٸكتەردٸ جاڭعىرتۋ وعان وڭاي سوقپايدى. سوعان قاراماستان, ول ەكەسٸنٸڭ مەيٸرٸمٸ مەن ٶزٸنە كٶرسەتكەن قامقورلىعىن ۇمىتپاعانىن جەتكٸزدٸ.
ولجاس اباي ەكەسٸنٸڭ ٸشٸمدٸك ٸشكەنٸن كٶپشٸلٸك الدىندا ايتۋ ٶزٸنە اۋىر تيگەنٸن, الايدا ٶتكەن ٶمٸرٸندەگٸ شىندىقتى جاسىرا المايتىنىن ايتتى. بٷگٸندە اكتەر ەكەسٸن كٸنەلاۋدان گٶرٸ ونىڭ جاقسى قاسيەتتەرٸن ەسكە الۋدى جٶن كٶرەدٸ.