QR Premer-Ministri Asqar Maminniń tóraǵalyǵymen ótken Úkimet otyrysynda Úkimettiń zań jobalaý jumystarynyń 2021 jylǵa arnalǵan jospary qaraldy.
Ádilet ministri M. Beketaev baiandama jasap, ol Jospar birjalyq saýdany, sybailas jemqorlyqqa qarsy is-qimyldy, jer qatynastaryn, kólikti, quqyq qorǵaý qyzmeti men geodeziiany, kartografiiany, volonterlik qyzmet pen qaiyrymdylyqty, biologiialyq qaýipsizdikti jáne t. b. damytýǵa baǵyttalǵan 19 zań jobasyn ázirleýdi kózdeitinin habarlady.
«Kelesi jyly Memleket basshysynyń 2020 jylǵy 1 qyrkúiektegi Joldaýynan týyndaǵan eki zań jobasyn Parlamentke engizýimiz qajet. Bul – birjalyq saýdany damytý jáne sybailas jemqorlyqqa qarsy is-qimyl máseleleri týraly zań jobalary. 2021 jyldyń josparyna sondai-aq úsh jańa zań jobasy engizildi. Bul - geodeziia, biologiialyq qaýipsizdik jáne áskeri politsiia týraly zań jobalary», – dedi Mamin.
Premer-Ministr múddeli memlekettik organdardyń birinshi basshylaryna zań jobalarynyń sapasyna jáne olardyń Úkimet pen Parlamentke ýaqtyly engizilýine erekshe nazar aýdarýdy tapsyrdy.
