Qazaqstanda jumysshylardy basqa oryndarǵa aýystyrý arqyly eńbek ónimdiligin arttyrýǵa múmkindik bar. Bul týraly QR Premer-Ministri Álihan Smaiylov Májilis depýtattarynyń saýalyna bergen jaýabynda aitylǵan, dep habarlaidy QazAqparat.
«Ekonomikany ónimdiligi joǵary sektorlarǵa baǵyttap baptaý tetikteri strategiialyq josparlaý qujattarynda kórinis tapqan. Óitkeni ekonomikanyń sapaly damýy eńbek ónimdiliginiń artýyna tikelei bailanysty», - dep jazady Úkimet basshysy depýttarǵa bergen jaýabynda.
Onyń sózine qaraǵanda, Qazaqstannyń 2025 jylǵa deiingi ulttyq damý josparynda damýdyń jańa modeli eńbek ónimdiligin arttyrý sharalaryn da qamtityny aitylǵan. Osy baǵytty iske asyrý úshin 10 ulttyq joba ázirlengen.
«Agroónerkásip keshenin damytýdyń 2021-2025 jyldarǵa arnalǵan ulttyq jobasy iske asyrylyp jatyr. Sonyń aiasynda aýyl sharýashalyǵynda eńbek ónimdiligi bir adamǵa shaqqanda 6,2 mln teńge bolyp, eksport kólemi 6,6 mlrd dollarǵa deiin artady. Onyń ishinde qaita óńdelgen ónimniń úlesi 70% bolyp, 2025 jylǵa qarai aýyl sharýashylyǵy qyzmetkerleriniń ailyǵy 2 ese ósedi. Bul 1 mln adamnyń tabysynyń ósýine múmkindik beredi», - delingen Premer-Ministrdiń jaýabynda.
