قازاقستاندا جۇمىسشىلاردى باسقا ورىندارعا اۋىستىرۋ ارقىلى ەڭبەك ٶنٸمدٸلٸگٸن ارتتىرۋعا مٷمكٸندٸك بار. بۇل تۋرالى قر پرەمەر-مينيسترٸ ەليحان سمايىلوۆ مەجٸلٸس دەپۋتاتتارىنىڭ ساۋالىنا بەرگەن جاۋابىندا ايتىلعان, دەپ حابارلايدى قازاقپارات.
«ەكونوميكانى ٶنٸمدٸلٸگٸ جوعارى سەكتورلارعا باعىتتاپ باپتاۋ تەتٸكتەرٸ ستراتەگييالىق جوسپارلاۋ قۇجاتتارىندا كٶرٸنٸس تاپقان. ٶيتكەنٸ ەكونوميكانىڭ ساپالى دامۋى ەڭبەك ٶنٸمدٸلٸگٸنٸڭ ارتۋىنا تٸكەلەي بايلانىستى», - دەپ جازادى ٷكٸمەت باسشىسى دەپۋتتارعا بەرگەن جاۋابىندا.
ونىڭ سٶزٸنە قاراعاندا, قازاقستاننىڭ 2025 جىلعا دەيٸنگٸ ۇلتتىق دامۋ جوسپارىندا دامۋدىڭ جاڭا مودەلٸ ەڭبەك ٶنٸمدٸلٸگٸن ارتتىرۋ شارالارىن دا قامتيتىنى ايتىلعان. وسى باعىتتى ٸسكە اسىرۋ ٷشٸن 10 ۇلتتىق جوبا ەزٸرلەنگەن.
«اگروٶنەركەسٸپ كەشەنٸن دامىتۋدىڭ 2021-2025 جىلدارعا ارنالعان ۇلتتىق جوباسى ٸسكە اسىرىلىپ جاتىر. سونىڭ اياسىندا اۋىل شارۋاشالىعىندا ەڭبەك ٶنٸمدٸلٸگٸ بٸر ادامعا شاققاندا 6,2 ملن تەڭگە بولىپ, ەكسپورت كٶلەمٸ 6,6 ملرد دوللارعا دەيٸن ارتادى. ونىڭ ٸشٸندە قايتا ٶڭدەلگەن ٶنٸمنٸڭ ٷلەسٸ 70% بولىپ, 2025 جىلعا قاراي اۋىل شارۋاشىلىعى قىزمەتكەرلەرٸنٸڭ ايلىعى 2 ەسە ٶسەدٸ. بۇل 1 ملن ادامنىڭ تابىسىنىڭ ٶسۋٸنە مٷمكٸندٸك بەرەدٸ», - دەلٸنگەن پرەمەر-مينيستردٸڭ جاۋابىندا.
