QR Densaýlyq saqtaý ministrligi 2020 jyldyń 12 aqpanyndaǵy Qazaqstandaǵy koronavirýs boiynsha epidemiologiialyq jaǵdai týraly habarlady.
Ministrlik taratqan málimetterge qaraǵanda, QHR men shekaralas memleketterden kelgen azamattarǵa monitoring jalǵasýda. Máselen, 2020 jylǵy 6 qańtardan 11 aqpanǵa deiin elimizge 30911 adam keldi.
6 qańtar - 11 aqpan aralyǵynda Densaýlyq saqtaý ministrligi Taýarlar men qyzmetterdiń sapasy men qaýipsizdigin baqylaý komitetiniń sanitarlyq-karantindik pýnktteriniń mamandary halyqaralyq áýejailarda jáne temirjol vokzaldarynda Qytaimen shekaralas memleketter arqyly ótkizý pýnktterinde – 30911 adamdy qarap-tekserdi.
Búgingi kúnge deiin jedel respiratorly virýsty infektsiia (JRVI) belgilerimen 144 adam kópshilikten oqshaýlanyp, emdeýge jatqyzyldy, onyń 121 shyǵaryldy, statsionarlarda meditsinalyq baqylaýda 23 adam qaldy.
Qazaqstan Respýblikasynyń 83 evakýatsiialanǵan azamattarynyń 13-inde jeńil dárejeli JRVI klinikasy jalǵasýda, kataraldy qubylystary bar, dene qyzýy kóterilmegen.
QHR Ýhan qalasynan Resei Federatsiiasyna (Túmen oblysy – 3 adam) jáne Ózbekstan Respýblikasyna (5 adam) evakýatsiialanǵan Qazaqstan Respýblikasy azamattarynyń jaǵdaiy qanaǵattanarlyq, dene qyzýy joq, JRVI belgileri men shaǵymdary anyqtalǵan joq.
Sondai-aq, keshe tańerteńgi saǵat 6:05-te Nur Sultan qalasyna Qytaidyń 36 qalasynan 217 qazaqstandyq azamat keldi. Barlyǵy meditsinalyq jáne zerthanalyq tekserýden ótý úshin keminde 3 kún merzimge aýrýhanaǵa jetkizildi. Olardyń densaýlyq jaǵdaiy qanaǵattanarlyq.
Emdeýge jatqyzylǵandardyń barlyǵynyń synamasyn qosymsha baqylaý úshin Almatydaǵy Aiqymbaev atyndaǵy asa qaýipti infektsiialar ulttyq ǵylymi ortalyǵyna jiberildi. Bul ortalyq jańa koronavirýsty PTR-diagnostikalaý ádistemesin igergen.
Respýblikada qoldaýshy terapiia úshin qajetti dárilik zattar men meditsinalyq maqsattaǵy buiymdar bar, infektsiialyq aýrýhanalarda oqshaýlaýǵa arnalǵan bokstar bar, oryndar, dárigerlik jáne orta meditsina personaly daiyndalǵan.
«Bul jaǵdai QR Densaýlyq saqtaý ministrliginiń turaqty baqylaýynda ekenin atap ótý qajet. Qazaqstan Respýblikasy Densaýlyq saqtaý ministrligi jańa koronavirýs infektsiiasynyń taralýyn boldyrmaý úshin kelesi aldyn-alý sharalaryn saqtaý qajet:
- qoldaryńyz ben betti sabynmen jii jáne muqiiat jýyńyz;
- qoldy zalalsyzdandyrýda spirtti antiseptikterdi qoldaný kerek;
- adamdar kóp jinalatyn oryndardan aýlaq bolyńyz;
- naýqas adamdarmen bailanysta bolmaýǵa;
- sýyq tiiý belgileri (joǵary temperatýra, murynnyń bitelýi, jótel, tamaqtyń aýrýy) paida bolǵan jaǵdaida, turǵylyqty jerińiz boiynsha dárigermen keńesý kerek. Resmi aqparatty Densaýlyq saqtaý ministrliginiń Facebook-tegi paraqshasynan oqi alasyzdar jáne týyndaǵan suraqtar boiynsha 1406 nómiri boiynsha táýlik boiy jumys isteitin Call-ortalyǵyna qońyraý shalýǵa bolady», - delingen habarlamada.
