Ótken beisenbi kúni Ýhan qalasynda (Hýbei provintsiiasy, Ortalyq Qytai) koronavirýstyń jańa túrin juqtyrǵan bes bala aiyǵyp, aýrýhanadan shyǵaryldy, – dep habarlaidy "Ult aqparat".
Eń kishkentai patsienttiń jasy ekide bolsa, úlkeni - 14-te. Ýhan qalalyq balalar aýrýhanasynyń habarlaýynsha, balalar aiyǵyp shyqqan soń da eki apta boiy meditsinalyq baqylaýda bolady.
«Balalardyń immýndyq júiesi jetilmegen, sondyqtan olar ártúrli simptomdary bar tynys alý joldary infektsiialaryn tez qabyldaidy», - dep atap ótti atalǵan aýrýhana dárigeri Fan Iýijýn
Buǵan deiin Ýhan qalasynda (Ortalyq Qytai, Hýbei provintsiiasy) jańa týǵan sábidiń koronavirýs juqtyrǵany týraly aqparat rastalǵan bolatyn. Qytailyq dárigerler jańa týǵan nárestege aýrýdyń qursaqta berilý yqtimaldyǵyn qarastyryp jatyr. Qazir sábidiń jaǵdaiy baqylaýda
