Almaty ákimi Baqytjan Saǵyntaev qalalyq Politsiia departamentiniń basshylyǵymen onlain-keńes barysynda jergilikti politsiia qyzmeti men qoǵamdyq qaýipsizdikti qamtamasyz etý boiynsha ýchaskelik inspektorlardyń jumysyn jandandyrý máselelerin talqylady, dep habarlaidy "Ult aqparat".
Keńes barysynda politsiianyń ýchaskelik inspektorlarynyń jumys nátijeleri tyńdaldy. Qalada 491 ýchaskelik inspektor men olardyń 102 ýchaskelik kómekshisi qyzmet etedi. 102 ýchaskelik pýnkt jumys istep tur. Byltyr Almaty qalasynyń ákimi B.Saǵyntaevtyń tapsyrmasy boiynsha kriminogendi aimaqtarǵa 37 modýldik politsiia beketteri ornatyldy. Olarǵa jyl basynan beri 40 myńǵa jýyq ótinish túsken.
Biyl ýchaskelik inspektorlar 5 myńnan astam qylmysty ashyp, qala turǵyndarynyń 370 myńnan astam shaǵymy men aryzyn qarady. Ákimshilik jaýapkershilikke 61,6 myń azamat tartyldy.
Almaty ákimi B. Saǵyntaev quqyq buzýshylyqty boldyrmaý, onyń ishinde turmystyq sipattaǵy quqyq buzýshylyqtardyń aldyn alý boiynsha profilaktikalyq jumystardy kúsheitýdi tapsyrdy.
Keńes barysynda ýchaskelik politsiia qyzmetiniń materialdyq-tehnikalyq bazasyn nyǵaitý, ýchaskelik politsiia qyzmetkerleriniń mártebesin kóterý máseleleri qaraldy. Sondyqtan damýdyń keshendi baǵdarlamasyn qabyldaý qajet.
Qoǵamdyq qaýipsizdikti qamtamasyz etý sharalaryn kúsheitý mindeti alǵa qoiyldy.
