الماتى ەكٸمٸ باقىتجان ساعىنتاەۆ قالالىق پوليتسييا دەپارتامەنتٸنٸڭ باسشىلىعىمەن ونلاين-كەڭەس بارىسىندا جەرگٸلٸكتٸ پوليتسييا قىزمەتٸ مەن قوعامدىق قاۋٸپسٸزدٸكتٸ قامتاماسىز ەتۋ بويىنشا ۋچاسكەلٸك ينسپەكتورلاردىڭ جۇمىسىن جانداندىرۋ مەسەلەلەرٸن تالقىلادى, دەپ حابارلايدى "ۇلت اقپارات".
كەڭەس بارىسىندا پوليتسييانىڭ ۋچاسكەلٸك ينسپەكتورلارىنىڭ جۇمىس نەتيجەلەرٸ تىڭدالدى. قالادا 491 ۋچاسكەلٸك ينسپەكتور مەن ولاردىڭ 102 ۋچاسكەلٸك كٶمەكشٸسٸ قىزمەت ەتەدٸ. 102 ۋچاسكەلٸك پۋنكت جۇمىس ٸستەپ تۇر. بىلتىر الماتى قالاسىنىڭ ەكٸمٸ ب.ساعىنتاەۆتىڭ تاپسىرماسى بويىنشا كريمينوگەندٸ ايماقتارعا 37 مودۋلدٸك پوليتسييا بەكەتتەرٸ ورناتىلدى. ولارعا جىل باسىنان بەرٸ 40 مىڭعا جۋىق ٶتٸنٸش تٷسكەن.
بيىل ۋچاسكەلٸك ينسپەكتورلار 5 مىڭنان استام قىلمىستى اشىپ, قالا تۇرعىندارىنىڭ 370 مىڭنان استام شاعىمى مەن ارىزىن قارادى. ەكٸمشٸلٸك جاۋاپكەرشٸلٸككە 61,6 مىڭ ازامات تارتىلدى.
الماتى ەكٸمٸ ب. ساعىنتاەۆ قۇقىق بۇزۋشىلىقتى بولدىرماۋ, ونىڭ ٸشٸندە تۇرمىستىق سيپاتتاعى قۇقىق بۇزۋشىلىقتاردىڭ الدىن الۋ بويىنشا پروفيلاكتيكالىق جۇمىستاردى كٷشەيتۋدٸ تاپسىردى.
كەڭەس بارىسىندا ۋچاسكەلٸك پوليتسييا قىزمەتٸنٸڭ ماتەريالدىق-تەحنيكالىق بازاسىن نىعايتۋ, ۋچاسكەلٸك پوليتسييا قىزمەتكەرلەرٸنٸڭ مەرتەبەسٸن كٶتەرۋ مەسەلەلەرٸ قارالدى. سوندىقتان دامۋدىڭ كەشەندٸ باعدارلاماسىن قابىلداۋ قاجەت.
قوعامدىق قاۋٸپسٸزدٸكتٸ قامتاماسىز ەتۋ شارالارىن كٷشەيتۋ مٸندەتٸ العا قويىلدى.
