Ýchaskelik politseiler halyqpen tikelei keri bailanys ornatýǵa múddeli. Bul týraly Ishki ister ministri Erlan Turǵymbaev jelidegi paraqshasynda aitty, dep habarlaidy "Ult aqparat".
«Ýchaskelik inspektorlar qarapaiym azamattarmen kúndelikti bailanys jasap, kez-kelgen oqys jaǵdaida birinshi bolyp kómekke kelip, olardyń máselelerin muqiiat tyńdap, sheshimin tabýǵa kómektesedi. Turǵyndar túrli problemalarymen, otbasylyq máselelerimen nemese kórshilermen janjal týyndaǵan kezde eń birinshi ýchaskelik inspektorlarǵa ótinishpen júginedi. Ýchaskelik inspektorlardyń kúndelikti jumystary kózge kórine bermese de, olar azamattardyń qaýipsizdigin qamtamasyz etý, qoǵamdyq tártipti saqtaý jolynda kúrdeli jumystar atqarady.
Jergilikti politsiia qyzmetin reformalaýdaǵy basty róldi Memleket basshysy Qasym-Jomart Toqaev «jurtqa jaqyn politsiia» qaǵidasy boiynsha ýchaskelik inspektorlarǵa berip otyrǵany da kezdeisoq emes», dedi ministr.
Sonymen qatar, ministr ishki ister organdarynyń qyzmetin jetildirýdiń basym baǵyttarynyń biri - azamattyq qoǵammen áriptestik qatynastardy, halyqpen ózara bailanys jasaýdyń ártúrli ádisterin qoldaný jáne ony damytý bolyp tabylatyndyǵy týraly aitty.
«Qazirgi ýaqytta problemalyq máselelerdi zerdeleý, qyzmet kórsetiletin ýchaskelerde quqyq buzýshylyqtardy boldyrmaý úshin «Ýchaske» jedel-aldyn alý is-sharasy júrgizilýde.
Ýchaskelik politseiler halyqpen tikelei keri bailanys ornatýǵa múddeli. Ol úshin qarapaiym bailanys quraldary, áleýmettik jelidegi messendjerler qoldanylady. Politsiia ýchaskeleriniń, qyzmet kórsetý aýmaqtarynyń ornalasqan mekenjaiy, ýchaskelik politsiia qyzmetkerleri týraly derekter men bailanys telefondary politsiia departamentteriniń saittarynda, qalalyq, aýdandyq politsiia bólimsheleri bastyqtarynyń áleýmettik jelilerdegi paraqshalarynda ornalastyrylǵan. Halyqqa jaqyn bolý maqsatynda ýchaskelik politseilerdi kórshiler qurǵan toptyq chattarǵa «qosý» jumystary júrgizilýde. Ol chat arqyly barlyq habarlardy jedel alyp, shuǵyl habarlamalar jasaýǵa bolady. Turǵyndar chatta aqparattarmen bólisip otyrady. Mysaly, aýlada júrgen kúdikti beitanys adam týraly eskertedi, oinap júrgen bala kenetten joǵalyp ketken jaǵdaida kómek suraidy. Mundai toptarda jergilikti politsiia qyzmeti ókiliniń bolýy ártúrli jaǵdailarǵa jedel den qoiýǵa, azamattardyń qaýipsizdigin qamtamasyz etý, quqyq buzýshylyqtardyń aldyn alý, onyń ishinde otbasy-turmystyq janjaldar kezinde ýaqytyly shara qabyldaýǵa kómektesedi. Ýchaskelik inspektor azamattardyń resmi aryzdanýyn kútpei-aq, olardy dereý sheshýge áreket etip, tiimdi sharalar qoldanady jáne qajet bolǵan jaǵdaida qosymsha kúshterdi shaqyrady.
Azamattarmen ózara bailanys jasaýdyń mundai tásili keibir óńirlerde qoldanysqa engizilgen jáne óz tiimdiligin kórsetti. Bul týraly halyq ta jaqsy pikirde. Sondyqtan bul tájiribeni tek megapolister men iri qalalarda ǵana emes, barlyq aimaqta engizýge tolyq negiz bar. Men tiisti nusqaýlar men tapsyrmalardy barlyq aýmaqtyq politsiia bólimshelerine berdim. Turǵyndar bizdiń jańa bastamamyzdy oń baǵalap, qarapaiym azamattardyń qaýipsizdigin qamtamasyz etý maqsatynda ýchaskelik inspektorlardyń jumysyna belsendi atsalysatynyna senimdimin», - dep tolyqtyrdy ministr.
