2022 jyldan bastap ýchaskelik inspektordyń jalaqysy taǵy 30 paiyzǵa, al kómekshileriniń jalaqysy 7 paiyzǵa artady. Bul týraly QR IIM Ákimshilik politsiia komitetiniń tóraǵasy Murat Baimuqashev aitty, dep habarlaidy QazAqparat.
«Úzdik qyzmetkerlerdi irikteý úshin kandidattarǵa qatysty biliktilik talaptary, onyń ishinde bos jumys ornyna ornalastyrýǵa qoiylatyn talaptar kúsheitilip jatyr. Sondyqtan 2019 jyly ýchaskelik inspektorlardyń jalaqysy 25 paiyzǵa artty. Biyldyń basynan olardyń kómekshileriniń jalaqysy 30 paiyzǵa ósti. Qazirgi kezde ýchaskelik inspektordyń jalaqysy 177-266 myń teńge aralaǵynda», - dedi komitet basshysy Ortalyq kommýnikatsiialar qyzmetinde.
Onyń aitýynsha, aldaǵy jyldan ýchaskelik inspektordyń jalaqysy taǵy 30 paiyzǵa, al kómekshileriniń jalaqysy 7 paiyzǵa artady.
Belgili bolǵandai, 2019 jyldyń shildesinen ýchaskelik inspektorǵa turǵyn úidi jalǵa alǵany úshin ótemaqy tólenedi.
«Biyldyń 1 qańtarynan bul tizimge ýchaskelik inspektor kómekshisi de endi. Osy jyldyń sáýirinen bastap olar osy baspana tólemderin turǵyn úidi jekemenshikke alý úshin paidalana alady. Iaǵni tólemderdi bólip tóleý nemese ipotekalyq nesieleý baǵytyna qatysý múmkindigi bar», - dedi Murat Baimuqashev.
