2022 جىلدان باستاپ ۋچاسكەلٸك ينسپەكتوردىڭ جالاقىسى تاعى 30 پايىزعا, ال كٶمەكشٸلەرٸنٸڭ جالاقىسى 7 پايىزعا ارتادى. بۇل تۋرالى قر ٸٸم ەكٸمشٸلٸك پوليتسييا كوميتەتٸنٸڭ تٶراعاسى مۇرات بايمۇقاشەۆ ايتتى, دەپ حابارلايدى قازاقپارات.
«ٷزدٸك قىزمەتكەرلەردٸ ٸرٸكتەۋ ٷشٸن كانديداتتارعا قاتىستى بٸلٸكتٸلٸك تالاپتارى, ونىڭ ٸشٸندە بوس جۇمىس ورنىنا ورنالاستىرۋعا قويىلاتىن تالاپتار كٷشەيتٸلٸپ جاتىر. سوندىقتان 2019 جىلى ۋچاسكەلٸك ينسپەكتورلاردىڭ جالاقىسى 25 پايىزعا ارتتى. بيىلدىڭ باسىنان ولاردىڭ كٶمەكشٸلەرٸنٸڭ جالاقىسى 30 پايىزعا ٶستٸ. قازٸرگٸ كەزدە ۋچاسكەلٸك ينسپەكتوردىڭ جالاقىسى 177-266 مىڭ تەڭگە ارالاعىندا», - دەدٸ كوميتەت باسشىسى ورتالىق كوممۋنيكاتسييالار قىزمەتٸندە.
ونىڭ ايتۋىنشا, الداعى جىلدان ۋچاسكەلٸك ينسپەكتوردىڭ جالاقىسى تاعى 30 پايىزعا, ال كٶمەكشٸلەرٸنٸڭ جالاقىسى 7 پايىزعا ارتادى.
بەلگٸلٸ بولعانداي, 2019 جىلدىڭ شٸلدەسٸنەن ۋچاسكەلٸك ينسپەكتورعا تۇرعىن ٷيدٸ جالعا العانى ٷشٸن ٶتەماقى تٶلەنەدٸ.
«بيىلدىڭ 1 قاڭتارىنان بۇل تٸزٸمگە ۋچاسكەلٸك ينسپەكتور كٶمەكشٸسٸ دە ەندٸ. وسى جىلدىڭ سەۋٸرٸنەن باستاپ ولار وسى باسپانا تٶلەمدەرٸن تۇرعىن ٷيدٸ جەكەمەنشٸككە الۋ ٷشٸن پايدالانا الادى. ياعني تٶلەمدەردٸ بٶلٸپ تٶلەۋ نەمەسە يپوتەكالىق نەسيەلەۋ باعىتىنا قاتىسۋ مٷمكٸندٸگٸ بار», - دەدٸ مۇرات بايمۇقاشەۆ.
