Foto: kazaknews.kz
Ulttyq testileý ortalyǵy áleýmettik jelilerde taraǵan UBT tapsyrmalary týraly aqparatqa qatysty túsinikteme berdi, dep habarlaidy Ult.kz.
Ortalyq málimetinshe, sońǵy ýaqytta internette "UBT-dan ótkizip beremiz", "grant alyp beremiz" nemese "test suraqtarynyń jaýaby bar" degen mazmundaǵy habarlamalar kóbeigen.
Mamandar mundai usynystardyń barlyǵy alaiaqtardyń áreketi ekenin eskertedi.
"Árbir testilenýshige jeke test nusqasy beriledi. Sondyqtan internette taralyp jatqan "sliv" materialdary naqty test tapsyrmalarymen sáikes keledi degen aqparat shyndyqqa janaspaidy", – delingen resmi habarlamada.
Sondai-aq ortalyq test materialdaryn zańsyz taratý derekteri anyqtalǵan jaǵdaida tiisti sharalar qabyldanatynyn málimdedi.
Aita keteiik, test tapsyrmalary ortalyqtyń ziiatkerlik menshigi bolyp sanalady. Olardy jariialaý nemese taratý zań aldynda jaýapkershilikke ákeledi.
Ulttyq testileý ortalyǵy talapkerlerdi tek óz bilimine senýge jáne akademiialyq adaldyq qaǵidalaryn saqtaýǵa shaqyrdy.
