UBT-nyń jańa formaty jáne mamandyqtar týraly tolyq málimet

Ulttyq biryńǵai testileýdiń eki kezeńde ótetindigi týraly tolyq málimet.

1. Qorytyndy attestattaý – bul memlekettik bitirý emtihany.

2. UBT – joǵary oqý oryndaryna túsý emtihany.

1. 11 synyp oqýshysyn qorytyndy attestattaý bitirýshi emtihan nysanynda mektepte bes pánnen, onyń ishinde 4 mindetti (ana tili, ekinshi til, algebra jáne analiz bastamalary, Qazaqstan tarihy) jáne oqytý beiini (QGB jáne JMB) eskerile otyryp 1 tańdaý boiynsha pánnen ótedi.

Barlyq emtihandar, onyń ishinde testileý de bilim alýshynyń ózi oqityn mektebinde ótedi.

Emtihandardyń tizbesi jáne nysany mynadyi:

1) Ana tili jáne ádebietinen (oqytý tili) esse nysanynda jazbasha emtihan. Essege 3 astronomiialyq saǵat beriledi.

Usynylǵan úsh taqyryptan oqýshy bir taqyrypty tańdaidy. 250-300 sózden turatyn esse jazýy qajet.

Esse taqyrybyn tańdaǵannan keiin bitirýshiler negizgi ideiany anyqtaýy (ol ne týraly?), problemany jinaqtaýy, dálelder jazýy, til quraldaryn jáne tildik ádisterdi (salystyrýlar, epitetter, metaforalar, ritorikalyq suraq, kirispe sózder men usynystar t.b.) paidalanýy, esseniń jalpy qorytyndysyn qalyptastyrýy kerek.

Qazaq tilinen esseniń úlgilik taqyryptary

1. Saiahatshylar ózi kelgen eldiń salt-dústúrin saqtaýǵa mindetti me?

2. Ǵylymi-tehnologiialyq progress adamdarǵa áser etedi dep oilaisyz ba?

3. Kinoóndiris jastarǵa óz áserin tigizedi dep oilaisyz ba?

Barlyq jumystarǵa biryńǵai baǵalaý ólshemshartary qoldanylady.

2) Algebra jáne analiz bastamalary páninen jazbasha emtihanǵa 5 astronomiialyq saǵat beriledi. Bul emtihan 5 tapsyrmadan turady.

Tapsyrmalar matematikalyq faktilerdi, túsinikterdi jáne tásilderdi meńgerý deńgeiin anyqtaýǵa, esep shyǵarý jáne logikalyq tapsyrmalardy sheshý daǵdylaryn, fýnktsionaldyq saýattylyǵyn bilýge baǵyttalǵan.

3) Qazaqstan tarihynan aýyzsha emtihan (bilet boiynsha);

Ár bilette 3 suraqtan bolady. Eki suraq Qazaqstan tarihynyń barlyq kýrsynyń negizgi bólimderinen teoriialyq suraqtar, 3-shi suraq shyǵarmashylyq turǵydaǵy tapsyrma (karta, keskinder, portretter, hranologiialyq kesteler paidalaný arqyly tapsyrmalar t.b.).

4) Orys, ózbek, uiǵyr jáne tájik tilderinde oqytatyn mektepterde qazaq tilinen jáne qazaq tilinde oqytatyn mektepterde orys tilinen testileý (berilgen ýaqyt 80 minýt, barlyǵy 40 suraqqa 40 ball);

Bul pánderdiń tapsyrmalarynyń sany men nysany mynadai bolady.

Leksikalyq-grammatikalyq blok – 20 test tapsyrmasy bir durys jaýabyn tańdaý arqyly; 

«Tyńdalym» blogy – 10 test tapsyrmasy

(2 mátin, 200-250 sóz);

«Oqylym» blogy – 10 test  tapsyrmasy  (2 mátin, 200-250 sóz).

5) Tańdaý boiynsha bir pánnen (fizika, himiia, biologiia, geografiia, geometriia, dúniejúzi tarihy, ádebiet, shetel tili (aǵylshyn, frantsýz, nemis), informatika pánderiniń bireýin tańdaidy) testileý.

Bunda barlyǵy 40 test tapsyrmasy bolady (80 minýt, 40 suraqqa – 60 ball beriledi), onyń 20 suraǵy bir durys jaýabyn tabý arqyly (20 ball beriledi), 20 suraǵy birneshe durys jaýabyn tabý arqyly (40 ball beriledi).

Eki pán boiynsha testileý mektepte bir kúnde ótedi

Emtihanǵa berilgen baǵalaýmen kelispegen jaǵdaida, bitirýshi kelesi kúngi saǵat 13.00-ge deiin aýdandyq, qalalyq bilim bólimderiniń jáne oblystyq bilim basqarmalarynyń janynan qurylǵan komissiiaǵa shaǵymdanýyna bolady.

Qorytyndy attestattaýdyń naqty merzimi Ministrliktiń «2016-2017 oqý jylyn aiaqtaý týraly» buiryǵymen aiqyndalady (2017 jylǵy 30 sáýirge deiin). Emtihandar shamamen 2017 jylǵy 29 mamyr men 9 maýsym aralyǵynda ótedi.

Qorytyndy attestattaýdyń barlyq materialdaryn daiyndaýdy jáne bilim basqarmalaryna deiin jetkizýdi Ulttyq testileý ortalyǵy, al mektepterge deiin jetkizýdi bilim basqarmalary uiymdastyrady.

Jazbasha jáne aýyzsha emtihandy baǵalaýdy, berilgen durys jaýap kodtary negizinde jaýap paraqtaryn tekserýdi mektepte qurylǵan emtihan komissiiasy ár pán boiynsha júrgizedi.

Qorytyndy attestattaýdyń materialdary (jaýap paraqtary, suraq kitapshalary t.b.) mektepte bir oqý jyly boiynda saqtalady.

Bitirý keshteri mektepte 2017 jylǵy 15 maýsymǵa deiingi merzimde  ótkiziledi.

ULTTYQ BIRYŃǴAI TESTILEÝ (UBT)

UBT joǵary oqý ornyna túsý emtihany jáne memlekettik granttardy bólý júiesi  retinde qalady.

2017 jylǵy UBT formaty boiynsha 120 suraq   (20+20+20+30+30=120 tapsyrma) 5 pán boiynsha, onyń 3-i mindetti jáne talapkerdiń joǵary oqý ornyna tapsyratyn mamandyǵyna bailanysty 2-i beiini boiynsha qarastyrylǵan. Barlyq suraqtar eskeriledi.

Testileý ýaqyty 3 saǵat 30 minýtty quraidy. Shekti ball 50 ózgerissiz qalady.

JOO-nyń  barlyq 175 mamandyǵy 10 kombinatsiiaǵa beiindi pánder sheginde bólindi. Beiindi pánderdi bitirýshi túsetin mamandyǵyn anyqtaýy úshin ózi tańdaýy tiis (Mysaly,  matematika + fizikany tapsyrý kezinde, talapkerdiń 52 mamandyqtyń ishinen tańdaý múmkindigi bar). 

Testileýge qatysýǵa ótinish qabyldaý    10 naýryz – 10 mamyr aralyǵynda UBT-ny ótkizý pýnktteri arqyly júzege asyrylady. UBT 165 UBT-ny ótkizý pýnktteriniń bazasynda ótkiziledi. UBT-ny ótkizý merzimi – 20 maýsym men 1 shilde aralyǵy. 2017 jylǵy tamyz aiynda jáne 2018 jyldyń qańtar aiynda UBT-ny aqyly negizde qaita tapsyrý múmkindigi beriledi. Shekti ball – 50.

«Altyn Belgi» iegerleri, jalpy bilim beretin pánder boiynsha halyqaralyq, respýblikalyq olimpiadalardyń, ǵylymi jobalardyń jeńimpazdary men júldegerleri UBT-ny jalpy negizde tapsyrady, sondai-aq ball sany birdei bolǵan jaǵdaida bilim berý granttaryn alý basymdyǵy olarǵa beriledi (Mysaly, eger bitirýshi jáne «Altyn Belgi» iegeri de 122 ball alsa, grant «Altyn Belgi» iegerine beriledi. Eger bitirýshi kóbirek ball jinaǵan jaǵdaida, «Altyn Belgi» iegerine basymdyq berilmeidi).

Jalpy bilim beretin pánder boiynsha 5 halyqaralyq olimpiadanyń jeńimpazdary men júldegerlerine arnaiy granttar bólinedi.

Kolledj bitirýshileri úshin TKT formaty ózgertildi.

TKT-nyń jańa formaty boiynsha kolledjder úshin 60 suraq qarastyrylǵan, onyń 20-sy jalpy pánder jáne 40-y beiindi pánder boiynsha. Bul eger bitirýshi óz beiini boiynsha oqityn bolsa (Mysaly, pedagogikalyq mamandyqqa baratyn pedagogikalyq kolledjdiń bitirýishisine arnalǵan). Mamandyq beiinin ózgertetin bitirýshi testileýdi UBT formaty boiynsha tapsyrady.

Testileý ýaqyty  – 100 minýt.

Testileýge qatysýǵa ótinish qabyldaý    – 10 naýryz – 1 shilde aralyǵy. TKT bazalyq joǵary oqý ornynda ornalasqan 42 UBT-ny ótkizý pýnktterinde ótkiziledi. TKT-ny ótkizý merzimi – 17 shilde men       23 shilde aralyǵy. Shekti ball – 35.

Qazirge deiin mamandyqtarǵa sai naqtylanǵan tańdaý pánderi:

Sonymen UBT-2017-da bolatyn keibir mamandyqtar men tańdaý pánderi mynadai (mamandyqtar boiynsha tolyq aqparat alǵan kezde jedel túrde jariialaityn bolamyz):
Gýmanitarlyq ǵylymdar:
“5V020100 – Filosofiia” mamandyǵy, tańdaý pánderi – Tarih, Geografiia
“5V020200 – Halyqaralyq qatynastar” mamandyǵy, tańdaý pánderi – Shet tili, Tarih
“5V020300 – Tarih” mamandyǵy, tańdaý pánderi – Tarih, Geografiia
“5V020400 – Mádeniettaný” mamandyǵy, tańdaý pánderi – Shet tili, Tarih
“5V020500 – Filologiia” mamandyǵy, tańdaý pánderi – Qazaq (orys) tili jáne ádebieti, Tarih
“5V020600 – Dintaný” mamandyǵy, tańdaý pánderi – 1-shi shyǵarmashylyq emtihan, 2-shi shyǵarmashylyq emtihan
“5V020800 – Arheologiia jáne etnologiia” mamandyǵy, tańdaý pánderi – Tarih, Geografiia
“5V020900 – Shyǵystaný” mamandyǵy, tańdaý pánderi – Shet tili, Tarih
Óner:
“5V042200 – Baspa isi” mamandyǵy, tańdaý pánderi – 1-shi shyǵarmashylyq emtihan 2-shi shyǵarmashylyq emtihan
Áleýmettik ǵylymdar, ekonomika jáne biznes:
“5V050100 – Áleýmettaný mamandyǵy”, tańdaý pánderi – Matematika, Geografiia
“5V050200 – Saiasattaný” mamandyǵy, tańdaý pánderi – Shet tili, Tarih
“5V050300 – Psihologiia” mamandyǵy, tańdaý pánderi – Biologiia, Geografiia
“5V050400 – Jýrnalistika” mamandyǵy, tańdaý pánderi – 1-shi shyǵarmashylyq emtihan, 2-shi shyǵarmashylyq emtihan
“5V050500 – Aimaqtaný” mamandyǵy, tańdaý pánderi – Shet tili, Tarih
“5V050700 – Menedjment” mamandyǵy, tańdaý pánderi – Matematika, Geografiia
“5V051000 – Memlekettik jáne jergilikti basqarý” mamandyǵy, tańdaý pánderi – Matematika, Geografiia
“”5V051100 – Marketing” mamandyǵy, tańdaý pánderi – Matematika, Geografiia
“5V051300 – Álemdik ekonomika” mamandyǵy, tańdaý pánderi – Matematika, Geografiia
“5V051400 – Qoǵammen bailanys” mamandyǵy, tańdaý pánderi – 1-shi shyǵarmashylyq emtihan, 2-shi shyǵarmashylyq emtihan
“5V051500 – Muraǵattaný, qujattar júrgizý jáne qujattamalyq qamtamasyz etý” mamandyǵy, tańdaý pánderi – Qazaq (orys) tili, Tarih
Jaratylystaný ǵylymdary:
“5V060100 – Matematika” mamandyǵy, tańdaý pánderi – Matematika, Fizika
“5V060200 – Informatika” mamandyǵy, tańdaý pánderi – Matematika, Fizika
“5V060300 – Mehanika” mamandyǵy, tańdaý pánderi – Matematika, Fizika
“5V060400 – Fizika” mamandyǵy, tańdaý pánderi – Matematika, Fizika
“5V060500 – Iadrolyq fizika” mamandyǵy, tańdaý pánderi – Matematika, Fizika
“5V060600 – Himiia” mamandyǵy, tańdaý pánderi – Himiia, Fizika
“5V060700 – Biologiia” mamandyǵy, tańdaý pánderi – Biologiia, Himiia
“5V060800 – Ekologiia” mamandyǵy, tańdaý pánderi – Biologiia, Geografiia
“5V060900 – Geografiia” mamandyǵy, tańdaý pánderi – Geografiia, Matematika
“5V061000 – Gidrologiia” mamandyǵy, tańdaý pánderi – Matematika, Geografiia
“5V061100 – Fizika jáne astronomiia” mamandyǵy, tańdaý pánderi – Matematika, Fizika
“5V061200 – Meteorologiia” mamandyǵy, tańdaý pánderi – Matematika, Geografiia
Tehnikalyq ǵylymdar jáne tehnologiialar:
“5V070100 – Biotehnologiia” mamandyǵy, tańdaý pánderi – Biologiia, Himiia
“5V070500 – Matematikalyq jáne kompiýterlik modeldeý” mamandyǵy, tańdaý pánderi – Matematika, Fizika

kazbilim.kz