Ulttyq biryńǵai testileýdiń nátijelerin biyl úsh jolmen bilýge bolady:
1. Telegram-bot kómegimen - @EDU.GOV.KZ bot;
2. edu.mail.kz saitynda;
3. Ulttyq testileý ortalyǵynyń saitynda – www.testcenter.kz.
Nátijelerdi alý úshin test tapsyrýshynyń jeke kodyn engizý qajet.
Aǵymdaǵy jyly Bilim jáne ǵylym ministrligi UBT tapsyrý kezindegi bolatyn buzýshylyqtardyń aldyn alýǵa qatysty naqty sharalar qabyldap otyr.
«Biz túlekter men ata-analardy mundai jaǵdailarǵa bei-jai qaramaýǵa shaqyramyz. Eger sizderge «durys jaýaptardyń kodyn» satyp alý sekildi usynystar tússe ne testileý kezinde tapsyrýshylardyń jaýaptardy kóshirip otyrǵanyna, sondai-aq, aýditoriiaǵa bógde adamdardyń kirgenine kýá bolsańyz, +7 (7172) 69-50-87 nómirine qońyraý shalýlaryńyzǵa nemese @EDU.GOV.KZ bot Telegram-botyna habarlama jiberýlerińizge bolady. Biz qupiialylyqqa kepildik beremiz. Sizderdiń saýaldaryńyzǵa qatysty der kezinde áreket etý úshin 8-800-080-7177 Call-ortalyǵy táýlik boiy jumys isteidi» degen habar taratty QR Bilim jáne ǵylym ministrliginiń baspasóz qyzmeti.
