22 maýsymda respýblika boiynsha 9 748 talapker UBT-ǵa qatysyp, onyń 261-i aýditoriiadan shyǵaryldy, dep habarlaidy "Ult aqparat" Ulttyq testileý ortalyǵyna silteme jasap.
22 maýsym kúni respýblika mektepterinde UBT-ǵa 9478 talapker qatysqan. Onyń 2,7 paiyzy nemese 261-i ereje buzyp, aýditoriiadan shyǵaryldy. 19 talapkerdiń nemese 0,2 paiyzynyń dene qyzýy kóterilgen.
Nátijesinde 9,5 myńǵa jýyq balanyń 6 553-i nemese 69,1 paiyzy shekti baldy jinai aldy. Al 58 talapker (0,6%) – 130 balldan joǵary kórsetkishke qol jetkizdi.
Aita keteiik, UBT erejesin buzyp, biyl test tapsyrý múmkindiginen aiyrylǵan túlekter qańtar aiyndaǵy test sertifikatyn paidalana alady.
«Dostar, eger siz UBT-ny 2020 jyldyń qańtarynda tapsyryp, shekti ball jinaǵan bolsańyz, sol sertifikatpen JOO-ǵa aqyly negizde túse alasyz. Óitkeni zańnyń keri kúshi bolmaidy, tipti maýsym aiyndaǵy testileýge kirmeseńiz nemese maýsymdaǵy UBT nátijeńiz joiylǵan bolsa da, qańtar aiynyń UBT sertifikaty jaramdy bolyp qala beredi», - deidi testileý ortalyǵy Facebook parashasy arqyly.
Eske salaiyq, testileýdiń alǵashqy kúni 6 186 adam qatysyp, 164 talapker biyl test tapsyrý múmkindiginen aiyryldy.
Biylǵy UBT elimizdiń barlyq óńirinde 21 maýsym men 5 shilde aralyǵynda ótedi.
