22 ماۋسىمدا رەسپۋبليكا بويىنشا 9 748 تالاپكەر ۇبت-عا قاتىسىپ, ونىڭ 261-ٸ اۋديتورييادان شىعارىلدى, دەپ حابارلايدى "ۇلت اقپارات" ۇلتتىق تەستٸلەۋ ورتالىعىنا سٸلتەمە جاساپ.
22 ماۋسىم كٷنٸ رەسپۋبليكا مەكتەپتەرٸندە ۇبت-عا 9478 تالاپكەر قاتىسقان. ونىڭ 2,7 پايىزى نەمەسە 261-ٸ ەرەجە بۇزىپ, اۋديتورييادان شىعارىلدى. 19 تالاپكەردٸڭ نەمەسە 0,2 پايىزىنىڭ دەنە قىزۋى كٶتەرٸلگەن.
نەتيجەسٸندە 9,5 مىڭعا جۋىق بالانىڭ 6 553-ٸ نەمەسە 69,1 پايىزى شەكتٸ بالدى جيناي الدى. ال 58 تالاپكەر (0,6%) – 130 باللدان جوعارى كٶرسەتكٸشكە قول جەتكٸزدٸ.
ايتا كەتەيٸك, ۇبت ەرەجەسٸن بۇزىپ, بيىل تەست تاپسىرۋ مٷمكٸندٸگٸنەن ايىرىلعان تٷلەكتەر قاڭتار ايىنداعى تەست سەرتيفيكاتىن پايدالانا الادى.
«دوستار, ەگەر سٸز ۇبت-نى 2020 جىلدىڭ قاڭتارىندا تاپسىرىپ, شەكتٸ بالل جيناعان بولساڭىز, سول سەرتيفيكاتپەن جوو-عا اقىلى نەگٸزدە تٷسە الاسىز. ٶيتكەنٸ زاڭنىڭ كەرٸ كٷشٸ بولمايدى, تٸپتٸ ماۋسىم ايىنداعى تەستٸلەۋگە كٸرمەسەڭٸز نەمەسە ماۋسىمداعى ۇبت نەتيجەڭٸز جويىلعان بولسا دا, قاڭتار ايىنىڭ ۇبت سەرتيفيكاتى جارامدى بولىپ قالا بەرەدٸ», - دەيدٸ تەستٸلەۋ ورتالىعى Facebook پاراشاسى ارقىلى.
ەسكە سالايىق, تەستٸلەۋدٸڭ العاشقى كٷنٸ 6 186 ادام قاتىسىپ, 164 تالاپكەر بيىل تەست تاپسىرۋ مٷمكٸندٸگٸنەن ايىرىلدى.
بيىلعى ۇبت ەلٸمٸزدٸڭ بارلىق ٶڭٸرٸندە 21 ماۋسىم مەن 5 شٸلدە ارالىعىندا ٶتەدٸ.
