QR Bilim jáne ǵylym ministriniń ulttyq biryńǵai testileýdi (UBT) ótkizý tártibine ózgeris engizetin buiryǵy shyqty, dep habarlaidy QazAqparat.
Qujattyń jańashyldyǵy UBT-ǵa qatysý týraly ótinish berý jáne UBT ótkizý merzimderin qamtitynynda.
Sondai-aq, test tapsyrýshynyń synaqqa kirgen kezde ózimen birge alyp kirýine tyiym salynatyn zattardyń qatary kóbeiip otyr. Olar:
- Mobildi bailanys quraldary (uialy telefondar, planshetter, iPad (Ipad), iPod (iPod), smartfondar, ratsiialar;
- Noýtbýkter, pleierler, modemder (mobildi marshrýtizatorlar);
- Smart saǵat, symdy qulaqqaptar, symsyz, mikro qulaqqaptar, symsyz beinekameralar, GPS (DjiPiEs) navigatorlar, GPS (DjiPiEs) trekerler, qashyqtan basqarý quraldary jáne basqa aqparat almasý qurylǵylary.
Osy talaptardy oryndap testileý ornyna kirgennen keiin myna áreketter arqyly synaq tapsyrý qajet:
- testileý júiesine kirý úshin login men paroldi kórsetý;
- kompiýterge ornatylǵan aldyńǵy kameralar arqyly adam betiniń kólemdik-keńistiktik formasyn avtorizatsiialaýdan ótý;
- «UBT testileý» interfeisin ashý;
- test tapsyratyn tidin tańdaý, (!!!bul rette testileý bastalǵannan keiin testileýdi tapsyrý tili ózgermeidi);
- beiindik pánder kombinatsiiasyn tańdap, durys tańdaýdy rastańyz;
- UBT tapsyrýǵa kirisý.
Test tapsyrýshy atalmysh júiege kirip-shyqqan saiyn kompiýterde ornatylǵan aldyńǵy kameralar arqyly betiniń kólemdik-keńistiktik nysany avtorizatsiialap otyrady.
Sondai-aq, UBT ótkizý pýnktinde elektr qýaty óshirilgen jaǵdaida nemese testileý jazbasy júrgizilmeitin basqa da fors-majorlyq jaǵdailar kezinde testileý ýaqytsha toqtatylady jáne testileý protsesin toqtata turý jáne aýystyrý týraly akt jasala otyryp, basqa kúnge aýystyrylady.
Iaǵni, UBT ótkizý qaǵidalarynyń tizbesine «testileý protsesin toqtata turý jáne aýystyrý týraly aktini» jasaýdyń úlgisi qosylyp otyr.
Testileý protsesin toqtata turý jáne aýystyrý týraly aktini testileý ákimshisi men óńirlik memlekettik komissiia birlesip jasaidy.
Ministr buiyryǵyndaǵy taǵy bir ózgeris testileý kezindegi úzilisterge qatysty. Atap aitsaq, testileý bastalǵannan 120 minýt ótken soń beriletin úzilis 15 minýttan 3 minýtqa deiin qysqartyldy.
Kórý, estý, tirek-qimyl apparatynyń fýnktsiialary buzylǵan muqtajdyǵy bar balalarǵa testileý kezinde qosymsha 40 minýt beriledi. Testileýdiń ádettegi uzaqtyǵy – 240 minýt.
Buiryqtyń tolyq mátinin myna siltemeden kórýge bolady.
