قر بٸلٸم جەنە عىلىم مينيسترٸنٸڭ ۇلتتىق بٸرىڭعاي تەستٸلەۋدٸ (ۇبت) ٶتكٸزۋ تەرتٸبٸنە ٶزگەرٸس ەنگٸزەتٸن بۇيرىعى شىقتى, دەپ حابارلايدى قازاقپارات.
قۇجاتتىڭ جاڭاشىلدىعى ۇبت-عا قاتىسۋ تۋرالى ٶتٸنٸش بەرۋ جەنە ۇبت ٶتكٸزۋ مەرزٸمدەرٸن قامتيتىنىندا.
سونداي-اق, تەست تاپسىرۋشىنىڭ سىناققا كٸرگەن كەزدە ٶزٸمەن بٸرگە الىپ كٸرۋٸنە تىيىم سالىناتىن زاتتاردىڭ قاتارى كٶبەيٸپ وتىر. ولار:
- موبيلدٸ بايلانىس قۇرالدارى (ۇيالى تەلەفوندار, پلانشەتتەر, iPad (Ipad), iPod (iPod), سمارتفوندار, راتسييالار;
- نوۋتبۋكتەر, پلەيەرلەر, مودەمدەر (موبيلدٸ مارشرۋتيزاتورلار);
- سمارت ساعات, سىمدى قۇلاققاپتار, سىمسىز, ميكرو قۇلاققاپتار, سىمسىز بەينەكامەرالار, GPS (دجيپيەس) ناۆيگاتورلار, GPS (دجيپيەس) ترەكەرلەر, قاشىقتان باسقارۋ قۇرالدارى جەنە باسقا اقپارات الماسۋ قۇرىلعىلارى.
وسى تالاپتاردى ورىنداپ تەستٸلەۋ ورنىنا كٸرگەننەن كەيٸن مىنا ەرەكەتتەر ارقىلى سىناق تاپسىرۋ قاجەت:
- تەستٸلەۋ جٷيەسٸنە كٸرۋ ٷشٸن لوگين مەن پارولدٸ كٶرسەتۋ;
- كومپيۋتەرگە ورناتىلعان الدىڭعى كامەرالار ارقىلى ادام بەتٸنٸڭ كٶلەمدٸك-كەڭٸستٸكتٸك فورماسىن اۆتوريزاتسييالاۋدان ٶتۋ;
- «ۇبت تەستٸلەۋ» ينتەرفەيسٸن اشۋ;
- تەست تاپسىراتىن تٸدٸن تاڭداۋ, (!!!بۇل رەتتە تەستٸلەۋ باستالعاننان كەيٸن تەستٸلەۋدٸ تاپسىرۋ تٸلٸ ٶزگەرمەيدٸ);
- بەيٸندٸك پەندەر كومبيناتسيياسىن تاڭداپ, دۇرىس تاڭداۋدى راستاڭىز;
- ۇبت تاپسىرۋعا كٸرٸسۋ.
تەست تاپسىرۋشى اتالمىش جٷيەگە كٸرٸپ-شىققان سايىن كومپيۋتەردە ورناتىلعان الدىڭعى كامەرالار ارقىلى بەتٸنٸڭ كٶلەمدٸك-كەڭٸستٸكتٸك نىسانى اۆتوريزاتسييالاپ وتىرادى.
سونداي-اق, ۇبت ٶتكٸزۋ پۋنكتٸندە ەلەكتر قۋاتى ٶشٸرٸلگەن جاعدايدا نەمەسە تەستٸلەۋ جازباسى جٷرگٸزٸلمەيتٸن باسقا دا فورس-ماجورلىق جاعدايلار كەزٸندە تەستٸلەۋ ۋاقىتشا توقتاتىلادى جەنە تەستٸلەۋ پروتسەسٸن توقتاتا تۇرۋ جەنە اۋىستىرۋ تۋرالى اكت جاسالا وتىرىپ, باسقا كٷنگە اۋىستىرىلادى.
ياعني, ۇبت ٶتكٸزۋ قاعيدالارىنىڭ تٸزبەسٸنە «تەستٸلەۋ پروتسەسٸن توقتاتا تۇرۋ جەنە اۋىستىرۋ تۋرالى اكتٸنٸ» جاساۋدىڭ ٷلگٸسٸ قوسىلىپ وتىر.
تەستٸلەۋ پروتسەسٸن توقتاتا تۇرۋ جەنە اۋىستىرۋ تۋرالى اكتٸنٸ تەستٸلەۋ ەكٸمشٸسٸ مەن ٶڭٸرلٸك مەملەكەتتٸك كوميسسييا بٸرلەسٸپ جاسايدى.
مينيستر بۇيىرىعىنداعى تاعى بٸر ٶزگەرٸس تەستٸلەۋ كەزٸندەگٸ ٷزٸلٸستەرگە قاتىستى. اتاپ ايتساق, تەستٸلەۋ باستالعاننان 120 مينۋت ٶتكەن سوڭ بەرٸلەتٸن ٷزٸلٸس 15 مينۋتتان 3 مينۋتقا دەيٸن قىسقارتىلدى.
كٶرۋ, ەستۋ, تٸرەك-قيمىل اپپاراتىنىڭ فۋنكتسييالارى بۇزىلعان مۇقتاجدىعى بار بالالارعا تەستٸلەۋ كەزٸندە قوسىمشا 40 مينۋت بەرٸلەدٸ. تەستٸلەۋدٸڭ ەدەتتەگٸ ۇزاقتىعى – 240 مينۋت.
بۇيرىقتىڭ تولىق مەتٸنٸن مىنا سٸلتەمەدەن كٶرۋگە بولادى.
