UBT kezinde zańsyz áreket jasaǵan túlekter jyl boiy testileý tapsyrý múmkindiginen aiyrylady. Bul týraly «Birge oqý» jobasynyń arnalary arqyly ótken tikelei efirde «Ulttyq testileý ortalyǵy» RMQK direktorynyń orynbasary Naýjan Didarbekova málim etti, dep habarlaidy QazAqparat.
«Biyl Ulttyq biryńǵai testileýdi ótkizý protsesine ózgerister engizilip otyr. Osy oraida zańsyz áreketterge talaptar kúsheitildi dep aitsaq bolady. Mysaly, bizde buryn tyiym salynǵan zat aýditoriiadan tabylǵan jaǵdaida ǵana akt jasalyp, oqýshy testileýden shyǵarylatyn bolatyn. Al biylǵy UBT-ny ótkizý qaǵidatyna toqtalsaq, testileýde ǵimarattaǵy metaldy izdeitin qurylǵy aimaǵyna deiin testilenýshi baladan tyiym salynatyn zat tabylǵan jaǵdaida, onda tiisti akt jasalyp, túlek testileýge jiberilmeidi. Bul turǵyda biyl UBT tapsyrý múmkindiginen aiyrylady», - dep túsindirdi N. Didarbekova.
Sonymen qatar aýditoriiada tyiym salynǵan zatpen ustalǵan túlektiń de testileý nátijesi joiylyp, osy jyly UBT tapsyra almaityn bolady.
Budan bólek N. Didarbekova keibir talapkerler óziniń ornyna basqalardy testileýge jiberip jatatynyn, bul zańsyz áreket jasaǵandarǵa tiisti jaza qarastyrylǵanyn aitty.
«Mundai jaǵdai bógde adamdy óziniń ornyna kirgizýge talpynǵan túlekke de qatysty. Endi bul áreket úshin atalǵan adam jyl boiy emtihan tapsyra almaidy», - dedi Ulttyq testileý ortalyǵynyń ókili.
Mamannyń paiymynsha, mundai sharalar talapkerler arasynda zańsyz áreketterdiń jolyn kesedi.
