UBT aiaqtalǵannan keiin testileý kezindegi videolar bir ai boiy qaita tekserýden ótedi. Eger de emtihanda talapker tarapynan zańsyz áreketter anyqtalsa, onda onyń jinaǵan upaiy joiylady. Bul týraly QR Bilim jáne ǵylym vitse-ministri Miras Dáýlenov málim etti, dep habarlaidy QazAqparat.
Onyń sózine qaraǵanda, UBT-dan keiingi bir aiǵa jýyq ýaqytta testileý kezinde túsirilgen beine jazbalar qaitadan tekseriledi.
«Postmonitoringke toqtalsaq, bul turǵyda UBT tapsyrylǵannan keiin 20-30 kún qamtylady, iaǵni testileý kezindegi videomaterialdar tekseriledi. Eger de test kezinde adam kóshirip otyrǵany taspadan anyqtalsa, onda ol adam oqýdan shettetiledi. Iaǵni, onyń sertifikatynyń kúshi joiylady», - dep túsindirdi vitse-ministr Ulttyq testileý ortalyǵynda ótken keńeste.
Budan buryn habarlanǵandai, Miras Dáýlenov testileýge talapker óziniń ornyna basqa bireýdi jiberse, bul jaǵdaida atalǵan adam bir jylǵa emtihan tapsyra almaitynyn aitty.
