Almatyda alty kúnge sozylǵan UBT nátijesinde 7 oqýshy 130-dan joǵary bal jinady. Bul týraly qalalyq Bilim berý basqarmasy basshysynyń orynbasary Qairat Jumanov aitty, dep habarlaidy QazAqparat.
«Almatyda 7 oqýshy 130 baldan joǵary upai jinaǵan»,- dedi Q.Jumanov.
Onyń aitýynsha, qazir test tapsyrǵandar arasynda tyiym salynǵan zatty alyp ótkenderdi tekserip jatyr.
25 tamyzǵa deiin aýditoriialardyń videojazbasy tekseriledi. Eger túlekterdiń ereje buzǵany anyqtalsa, UBT nátijesi men granty teriske shyǵarylady.
«Kez kelgen elektrondy buiymdar:bailanys quraldary, baspa materialdaryn alyp kirýge tyiym salynǵan. Eger túlekter osyndai zatty qoldanǵany anyqtalsa akt toltyrylyp, ol biyl testileýge kirmeidi. 6 kúnde Almatyda 101 túlek akademiialyq erejelerdi buzǵan», - dedi ol.
Almatyda 21-26 maýsym aralyǵynda sanitarlyq talaptardyń buzylýy tirkelmedi.
