الماتىدا التى كٷنگە سوزىلعان ۇبت نەتيجەسٸندە 7 وقۋشى 130-دان جوعارى بال جينادى. بۇل تۋرالى قالالىق بٸلٸم بەرۋ باسقارماسى باسشىسىنىڭ ورىنباسارى قايرات جۇمانوۆ ايتتى, دەپ حابارلايدى قازاقپارات.
«الماتىدا 7 وقۋشى 130 بالدان جوعارى ۇپاي جيناعان»,- دەدٸ ق.جۇمانوۆ.
ونىڭ ايتۋىنشا, قازٸر تەست تاپسىرعاندار اراسىندا تىيىم سالىنعان زاتتى الىپ ٶتكەندەردٸ تەكسەرٸپ جاتىر.
25 تامىزعا دەيٸن اۋديتورييالاردىڭ ۆيدەوجازباسى تەكسەرٸلەدٸ. ەگەر تٷلەكتەردٸڭ ەرەجە بۇزعانى انىقتالسا, ۇبت نەتيجەسٸ مەن گرانتى تەرٸسكە شىعارىلادى.
«كەز كەلگەن ەلەكتروندى بۇيىمدار:بايلانىس قۇرالدارى, باسپا ماتەريالدارىن الىپ كٸرۋگە تىيىم سالىنعان. ەگەر تٷلەكتەر وسىنداي زاتتى قولدانعانى انىقتالسا اكت تولتىرىلىپ, ول بيىل تەستٸلەۋگە كٸرمەيدٸ. 6 كٷندە الماتىدا 101 تٷلەك اكادەمييالىق ەرەجەلەردٸ بۇزعان», - دەدٸ ول.
الماتىدا 21-26 ماۋسىم ارالىعىندا سانيتارلىق تالاپتاردىڭ بۇزىلۋى تٸركەلمەدٸ.
