Ýaqyt talabyna sai bolýymyz kerek. Bul týraly búgin Qazaqstan halqy Assambleiasy Keńesiniń otyrysynda QR Tuńǵysh Prezidenti-Elbasy, QHA Tóraǵasy Nursultan Nazarbaev aitty, dep habarlaidy "Ult aqparat".
«Shirek ǵasyrdyń ishinde Assambleia nátijeli konsýltatsiialyq-keńes organynan óziniń parlamenttik ókili bar jalpyhalyqtyq institýtqa ainaldy. Ol azamattyq qoǵamnyń ámbabap qurylymynyń barlyq úzdik sipattamasyn ózine sińirip, dostyq, beibitshilik, tynyshtyq pen senim Qazaqstannyń qoǵamdyq ómiriniń ajyramas bóligine ainalýy úshin mańyzdy úles qosty. Dál osy Táýelsizdigimizdiń damýy men ulttyq qalyptasý úshin bastapqy shart boldy. Barlyǵymyz da bul jetistik eń aldymen elimizdiń barlyq azamattarynyń arqasynda oryn alǵanyn jaqsy túsinemiz», - dedi Elbasy.
QR Tuńǵysh Prezidenti etnosaralyq, konfessiiaaralyq kelisimdi buzatyn kez kelgen árekettiń Konstitýtsiiaǵa sai emestigin naqtylaityn zań qabyldanǵanyn atap ótti.
«Sol arqyly biz barlyq azamattarymyzdyń quqyǵyn qorǵaimyz. Bul saladaǵy Qazaqstan saiasaty qabyldanǵan barlyq halyqaralyq standarttarǵa jaýap beredi. BUU, EQYU syndy uiymdar bizdiń etnosaralyq qarym-qatynas modelimizge jáne ulttar birligin nyǵaitýǵa baǵyttalǵan kúsh-jigerimizge joǵary baǵa berip, jumysymyzdy ózgelerge úlgi etip otyr. Biz «Rýhani jańǵyrý» degen ataýmen qoǵamdyq sanany jańǵyrtý baǵdarlamasyn bastadyq. Onyń maqsaty - jańa shynaiy jaǵdaida halqymyzdyń sanasyz, oilaý obrazyn, ómirin ózgertý. Muny tereń túsiný qajet. Qazir ómir múldem ózgerip, qoǵamymyzǵa Táýelsizdik jyldarynda dúniege kelgen jańa býyn keldi. Sondyqtan munyń bárin qaita qarap, ýaqyt talabyna sai bolýymyz kerek», - dedi N.Nazarbaev.
.jpeg)