Foto:qazyr.kz
«Ulttyq densaýlyq saqtaý ortalyǵy» basqarma tóraǵasynyń orynbasary Saltanat Nazarova UTC+5 saǵat beldeýiniń adam densaýlyǵyna paidasy týraly aitty, dep habarlaidy BAQ.KZ tilshisi.
Mamannyń pikirinshe, ýaqyt beldeýiniń adam aǵzasyndaǵy kóptegen protsesterge tikelei qatysy bar. Kez kelgen adamnyń ómirlik protsesteri ýaqyt boiynsha ózgerip otyrady (saǵattar, kúnder, aptalar, ailar, maýsymdar nemese jyldar boiy). Bul ózgerister bioritmder dep atalady. Mundai tsirkadtyq yrǵaqtar – bizdiń densaýlyǵymyz, ónimdiligimiz jáne uzaq ómir súrýimizdiń negizi bolyp sanalady eken.
Kóptegen sheteldik zertteýler bioritmderdiń aǵzadaǵy gormondardyń, fermentterdiń jáne basqa da belsendi zattardyń deńgeiin baqylaitynyn, sonymen qatar qan quramyn jáne jalpy tepe-teńdikti (gomeostaz) saqtaitynyn kórsetedi. Uiqy men sergektik, demalys pen belsendilikti, tamaqtaný men zat almasýdy retteitin bioritmderdiń úilesimdi jumysy adam densaýlyǵy úshin mańyzdy ról atqarady, - deidi Saltanat Nazarova.
Eske salsaq, búgin Úkimet otyrysynda Saýda ministri ýaqyt beldeýine qatysty málimdeme jasap, qazaqstandyqtar úshin nege UTC+5 saǵat beldeýi durys ekenin túsindirgen bolatyn. Sondai-aq ministr Arman Shaqqaliev ýaqyt beldeýine qatysty túsindirý jumystary qalai júrgizilgenin aitty.
