Qaraǵandyda zańsyz missionerlik qyzmetpen ainalysqan psevdosalafittik ýaǵyzshy Daryn Múbarov ákimshilik jaýapkershilikke tartyldy, dep habarlaidy "Ult aqparat" oblystyq din isteri basqarmasyna silteme jasap.
2017 jyldyń qazanynda júrgizilgen dini saraptama qorytyndysy boiynsha, Qaraǵandy ákimdigi Daryn Mubarovtyń zańsyz missionerlik qyzmetine qarsy talap-aryz bergen bolatyn.
Atalmysh aryzǵa sáikes, Qaraǵandy qalasynyń aýdanaralyq mamandandyrylǵan soty QR Ákimshilik quqyz buzýshylyq týraly Kodekstiń 490-baby 3-bóligi boiynsha Daryn Múbarovty jaýapkershilikke tartty. Alaida, ýaǵyzshynyń qorǵaýshylary sot sheshimine appeliatsiialyq shaǵym túsirip materialdardy psihologiialyq jáne filologiialyq saraptamadan ótkizý týraly talap jasady.
4 qańtarda ótken saraptama nátijesi boiynsha oblystyq sot aýdanaralyq sottyń sheshimin ózgertken joq.
Sheshimge sáikes, D. Múbarov endi 70 AEK kóleminde aiyppul jáne 112348 teńge kóleminde protsessýaldyq shyǵyndardy tóleýge mindetti.
