Foto: Inform.kz
Sý tasqynynan 13 659 adam, onyń ishinde 5 250 bala qutqaryldy jáne evakýatsiialandy dep habarlaidy "Ult Aqparat" Tótenshe Jaǵdailar Ministrliginiń baspasóz qyzmetine silteme jasap.
"Azamattyq qorǵaýdyń memlekettik júiesiniń qyzmetteri sý tasqyny saldaryn joiý, sý tasqynyna qarsy is-sharalardy, avariialyq-qutqarý jumystaryn júrgizýdi jalǵastyrýda.
Máselen, sý tasqyny kezeńi bastalǵannan beri TJM jáne ákimdikterdiń kúshimen 4,6 mln. astam m3 (táýligine 40 myńnan astam tekshe metr) erigen qar sýy soryldy, 370 myńnan astam qapshyq (táýligine 55 myńnan astam) jáne 728 myń tonna inertti material (táýligine 3 myń) tóseldi", -delingen habarlamada.
Ministrlik taratqan málimet boiynsha, jumyldyrylǵan kúshtermen jáne quraldarmen 13 659 adam, onyń ishinde 5 250 bala qutqaryldy jáne evakýatsiialandy. Memlekettik aviatsiianyń áýe kemelerimen 1655 adam, onyń ishinde 425 bala evakýatsiialandy.
Aqtóbe, Batys Qazaqstan, Aqmola, Atyraý, Qostanai oblystarynda ýaqytsha ornalastyrý pýnktterinde 6 034 adam, onyń ishinde 2 386 bala bar.
«Jedel jeli» telefondaryna 604 qońyraý kelip tústi, 20 óńirde respýblikalyq jáne oblystyq jedel shtabtar jumysyn jalǵastyrýda.
309 jeke turǵyn úi men 759 aýla aýmaǵynan sý shyǵaryldy. Bul rette 1 257 jeke turǵyn úi men 400 aýla aýmaǵy sý astynda qalyp otyr.
Sý shaiǵan 55 avtojol, onyń ishinde 1 kópir jáne 54 jol tósemi baqylaýda.
"Batys Qazaqstan, Aqtóbe, Aqmola, Qostanai, Shyǵys Qazaqstan, Ulytaý, Abai oblystarynda jergilikti atqarýshy organdar halyqpen bailanys ornatyp, qajetti azyq-túlik jáne dári-dármek qorlaryn qurǵan 49 eldi meken kólik qatynasynsyz qaldy.
Ózender men sý qoimalaryndaǵy sý tasqyny jaǵdaiyna monitoring júrgizilýde", -dep habarlaidy TJM.
Avariialyq-qutqarý jumystaryna TJM, IIM, QM, jergilikti atqarýshy organdardyń, uiymdardyń 8 458 adam, 2 124 tehnika, 808 sý aidaý quraly jáne 65 júzý quraly, 12 áýe kemesi jumyldyryldy
