Photo by Craig Chandler / University Communications
Úkimet Tótenshe jaǵdailar ministrliginiń bólimshelerin arnaiy qurylǵylarmen qamtamasyz etý boiynsha qosymsha sharalar qabyldap jatyr. Bul maqsattarǵa Úkimet rezervinen 633 mln teńgeden astam qarjy bólindi. Tiisti qaýlyǵa QR Premer-Ministri Álihan Smaiylov qol qoidy, dep habarlaidy "Ult aqparat" primeminister.kz saityna silteme jasap.
Qujatqa sáikes, qarajat tabiǵi jáne tehnogendik sipattaǵy tótenshe jaǵdailardy joiýǵa qatysatyn Tótenshe jaǵdailar ministrliginiń áýe kemelerine 5 sý shashý qurylǵysyn jáne 71 ushqyshsyz ushý apparatyn satyp alýǵa baǵyttalady.
"Búgingi tańda TJM qaramaǵynda 27 ushqyshsyz ushý apparaty bar. Alaida biylǵy jyly oryn alǵan órtter men basqa da tótenshe jaǵdailar olardyń sanynyń jetkiliksiz ekenin kórsetti.
Sonymen qatar qazirgi ýaqytta ashyq sý qoimalarynan sý alyp, tabiǵi órt oshaqtaryna áýe arqyly jetkizý úshin 12 sý shashatyn qurylǵy bar. TJM aviatsiialyq parki kópfýnktsiialy 34 áýe kemesinen turady.
Osylaisha, jańa drondar men sý shashý qurylǵylaryn satyp alý tabiǵi jáne tehnogendik sipattaǵy tótenshe jaǵdailar kezinde tiisti bólimshelerdiń tiimdiligin arttyrýǵa múmkindik beredi" - delingen habarlamada.
Eske sala keteiik, jyl saiyn elimizde 1 myńǵa jýyq orman jáne dala órtteri, sondai-aq 4 myńǵa jýyq tabiǵi órt tirkeledi.
