Nur-Sultan qalasy Tótenshe jaǵdailar departamenti Azamattyq qorǵaý basqarma bastyǵy Rátbek Demeýbergen 30 shildede 12 jastaǵy balanyń ólimimen aiaqtalǵan qaiǵyly oqiǵa týraly málimet berdi, dep habarlaidy QazAqparat.
«Sońǵy sýǵa batý oqiǵasy 30 shildede tirkeldi. Úsh kún buryn Saraishyq kóshesi mańynda, «Triatlon parki» aýdanyndaǵy kópirdiń astynda sýǵa shomylyp júrgen 2009 jylǵy bala sýǵa batyp ketti. Ol jerge bizdiń tótenshe jaǵdai qyzmetiniń ókilderi sýǵa shomylýǵa bolmaityny týraly belgi qoiǵanyn aitý kerek. 12 jastaǵy jasóspirim oǵan mán bermei, arty qaiǵyly aiaqtalyp otyr. Sondyqtan qala turǵyndary men qonaqtaryn balalardy óz betimen shomylýǵa jibermeýge shaqyramyz», - dedi Rátbek Demeýbergen ákimdiktiń aqparat alańynda.
Onyń aitýynsha, maýsym bastalǵannan beri sýǵa shomylý erejesn saqtamaǵan adamdardyń ústinen 285 aiyppul paraǵy toltyrylǵan.
«Búgingi kúni shomylý qaýipsizdigi men erejesin saqtamaǵan adamdardyń ústinen 285 ákimshilik hattama toltyryldy. Hattamany ishki ister organynyń qyzmetkerleri toltyrady. Ákimshilik quqyq buzý týraly kodekstiń 364-baby boiynsha 223, 440-baby boiynsha 62 ákimshilik aiyppul salyndy», - degen TJD ókili.
