«Kazakhmys Smelting» JShS Jezqazǵan mys balqytý zaýytynda balqytý tsehynyń negizgi agregattarynyń biri – №1 konverterdi kúrdeli jóndeý aiaqtalýǵa jaqyn. Bul jabdyq shtein óńdeýge jáne tazartylmaǵan mys alýǵa arnalǵan. Jóndeý jumysyna 396,9 mln teńge bólindi, dep habarlaidy Ult.kz.
Jumys 1 qazanda bastaldy. Osy ýaqyt aralyǵynda mamandar konverterdiń fýterovkasyn tolyq aýystyryp, qańqasyn dánekerleý jumysyn júrgizdi, sondai-aq №2, №3 jáne №4 bron taqtalaryn jańartty. Jóndeýdiń negizgi maqsaty – agregattyń tehnikalyq jai-kúiin qalpyna keltirip, senimdi jumys isteýin qamtamasyz etý.
Jezqazǵan mys balqytý zaýytynyń balqytý tsehynda tórt konverter jumys isteidi. Olarǵa tehnikalyq qyzmet kórsetý jáne jóndeý jumysy josparly-aldyn alý jóndeýiniń (JAJ) jyldyq kestesine sáikes júrgiziledi. Aǵymdaǵy jóndeý jumysy bekitilgen biýdjet sheńberinde, al kúrdeli jóndeý investitsiialyq baǵdarlamaǵa sáikes oryndalady. Ár konverterdiń jóndeýaralyq tsikly 160 balqymany quraidy.
№1 konverterdegi jumys aiaqtalǵannan keiin №2 konverterge aǵymdaǵy jóndeý júrgizý josparlanyp otyr. Ony 20 qazanda toqtatý kózdelgen. Odan keiin 7 qarashada №3 konverterdi toqtatyp, jóndeý jumysy júrgiziledi. Jóndeýdi kezeń-kezeńimen oryndaý jabdyqqa tehnikalyq qyzmet kórsetýdi óndiristik kestege sáikes josparlaýǵa múmkindik beredi.
Eske salaiyq, buǵan deiin Qazaqmys 2026 jyly Jezqazǵan mys balqytý zaýytyn jańǵyrtýǵa 25,2 mlrd teńgeden astam qarajat bóletini habarlanǵan bolatyn. Jabdyqtardy jańartý jáne josparly jóndeý jumysyn júrgizý óndiristik qýattardyń senimdiligin arttyrýǵa ári tehnologiialyq úderistiń turaqtylyǵyn qamtamasyz etýge baǵyttalǵan júieli jumystyń bir bóligi bolyp tabylady.
