Tótenshe jaǵdai rejimi kezinde týyndaǵan qiyndyqtarǵa bailanysty nesie tólemi merzimin keiinge shegerý qazaqstandyqtardyń kredit tarihyna áser ete me? Bul saýalǵa QR Qarjy ministriniń birinshi orynbasary Berik Sholpanqulov jaýap berdi, dep habarlaidy QazAqparat.
Ortalyq kommýnikatsiialar qyzmetindegi brifing barysynda BAQ ókilderi Qarjy ministrliginiń ókiline ekinshi deńgeili bankter Tótenshe jaǵdai rejimi kezinde 42 500 áleýmettik tólem alǵan azamattarǵa nesie bermei jatqandyǵyn aita kele: «Tótenshe jaǵdai rejimi kezinde memleket tarapynan kórsetilgen nesie tólemi merzimin keiinge shegerý jáne áleýmettik járdemder qazaqstandyqtardyń kredit tarihynan teris áser ete me?», - dep suraǵan edi.
«Qarjy naryǵyn retteý jáne damý agentigi qabyldaǵan qoldanystaǵy normativtik aktilerge sáikes, Memlekettik áleýmettik saqtandyrý qorynan tólengen atalǵan tólemder kredit tarihynyń nasharlaýyna negiz bola almaidy», - dep jaýap berdi Berik Sholpanqulov.
Sonymen qatar ol dál osy sebepke bailanysty bankter kredit berýden bas tartqan jaǵdaida azamattardyń ókiletti organdarǵa shaǵymdanýǵa quqy bar ekendigin basa aitty.
