Qazaqstanda tótenshe jaǵdai rejimi alynǵannan keiin de Nur-Sultan men Almatyda karantin rejimi saqtalady. Bul týraly soronavirus2020.kz saity habarlady.
11 mamyrda Qazaqstanda tótenshe jaǵdai merzimi aiaqtalýy tiis. Ázirge onyń merzimi sozyla ma, joq pa, belgisiz. Dúisenbi kúni Prezident Qasym-Jomart Toqaev jetekshilik etetin memlekettik komissiianyń otyrysy ótedi.
Aqparat boiynsha, Nur-Sultan men Almatyda blokbeketter jumys istei beredi, qalaǵa kirip-shyǵýǵa shekteý kúshinde qalady. Qalaǵa tek ruqsaty bar adamdar men kólikter kirgiziledi.
Almatyda qoǵamdyq kólik tańerteńgi saǵat 6 men keshki saǵat 19.00 aralyǵynda júredi. Nur-Sultan biligi 11 mamyrda memlekettik komissiiaǵa astanada qoǵamdyq kólik jumysyn qalpyna keltirý týraly ótinish jasamaq.
Qazaqstanda koronavirýsqa bailanysty 16 naýryzda tótenshe jaǵdai jariialanǵan. 19 naýryzda Nur-Sultan men Almaty karantinge jabylǵan bolatyn. Keiinirek ózge aimaqtarda shekteý sharalary engizildi. Ótken aptada densaýlyq saqtaý ministrligi elde epidemiia sharyqtaý shegine jetti dep málimdegen. Osydan keiin Almaty men Nur-Sultanda karantin sharalary jumsaryp, birqatar biznes nysandaryna jumys isteýge ruqsat etilgen bolatyn.
Degenmen qazir iri saýda ortalyqtary, saiabaqtar, ýniversitetter, dámhana, meiramhanalar jabyq. Oqýshylar men stýdentter qashyqtan oqyp jatyr.
Sońǵy málimet boiynsha, Qazaqstanda 5076 adamnan koronavirýs tabylǵan. 1901 adam jazylǵan. 31 adam qaitys bolǵan.
